Տեղի կունենա Էդուարդ Հայրապետյանի 4-րդ սիմֆոնիայի պրեմիերան. հեղինակն այն նվիրել է Սիմֆոնիկ նվագախմբին և Սերգեյ Սմբատյանին
27-03-2021 14:20:00 | Հայաստան | Մշակույթ
Անվանի կոմպոզիտոր Էդուարդ Հայրապետյանը Հայաստանի պետական սիմֆոնիկ նվագախմբին և Սերգեյ Սմբատյանին է նվիրել է իր 4-րդ սիմֆոնիան։ Սիմֆոնիայի պրեմիերան Հայաստանի պետական սիմֆոնիկ նվագախմբի կատարմամբ կներկայացվի մարտի 28-ին՝ ժամը 19.30, նվագախմբի ֆեյսբուքյան էջով՝ առցանց։
Մաեստրո Հայրապետյանը նկատում է, որ իր այս սիմֆոնիայում ներկայացված է պայքարի մի թատերաբեմ, որտեղ երաժշտական թեմաները, մոտիվները, կերպարներն ունեն իրենց ուրույն դերը։ 4-րդ սիմֆոնիան հեղինակն անվանում է երաժշտական տարեգրություն, որտեղ արտահայտված են տարիների կուտակումները, այն ամբողջ էմոցիան, որ ապրել ու զգացել է։ Եվ այդ հույզերն արտացոլվել ու ամփոփել են երաժշտական բարդագույն՝ սիմֆոնիկ ժանրում։
Մաեստրո Հայրապետյանն ընդգծում է, որ մեծ ճանապարհ են անցել Սիմֆոնիկ նվագախմբի հետ, ինչի արդյունքը հենց այս ստեղծագործությունն է։ «Նվագախմբի և դիրիժոր Սերգեյ Սմբատյանի արվեստում միշտ համարձակություն կա, ինչն ինձ էլ է ոգևորում։ Այս սիմֆոնիան կյանք ստացավ նվագախմբի և դիրիժորի մեծագույն աշխատանքի ու ներդման շնորհիվ»,- ասում է Էդուարդ Հայրապետյանը։
Էդուարդ Հայրապետյանի հարցազրույցը և հատվածներ 4-րդ սիմֆոնիայից կարող են դիտել հետևյալ հղմամբ՝ https://www.facebook.com/ArmSymphony/posts/3806028842826128
ՀԱՅԵՐԵՆ
Русский
English
Դաս. հայերեն
French
