Կեղտոտ խաղեր հայ գերիների շուրջ

09-04-2021 16:48:56   | Հայաստան  |  Ի՞նչ է գրում մամուլը



Lragir.am-ը գրում է. «Պուտին-Փաշինյան հանդիպումից եւ գերիների հարցի քննարկումից հետո, երբ Փաշինյանը հայտնել էր ՌԴ նախագահի հետ տարակարծությունների բացակայության մասին, երեկ երեկոյան տեղեկություն տարածվեց, որ Բաքվից Հայաստան է վերադառնալու գերիների խումբը: Տեղեկությունը հաստատեցին վարչապետի խոսնակն ու փոխվարչապետի գրասենյակը: Ինքնաթիռը վայրէջք կատարեց, սակայն պարզվեց, որ գերիներ չեն վերադարձ
ել:
 
Գերիների վերադարձ նախատեսված չի եղել, Lragir.am-ի հետ զրույցում ասել է Արթիկի փոխքաղաքապետ, Արցախի նախագահի հասարակական հիմունքներով ներկայացուցիչ Բորիս Ավագյանը։ Հիշեցնենք, որ գերիների մեծ մասը Շիրակի մարզից են, Բորիս Ավագյանը զբաղվում է նրանց հարցով:
 
Հետաքրքիր է՝ վարչապետի ու փոխվարչապետի մակարդակով հայտարարվում է գերիների վերադարձի մասին, Արթիկի փոխքաղաքապետը սակայն հայտնում է, որ գերիների վերադարձ նախատեսված չէր: Ո՞վ է ում խաբել, ի՞նչ մակարդակներում է տեղի ունենում տեղեկատվության փոխանցումը:
 
Փոխարենը, ըստ Հրապարակ թերթի, այդ ինքնաթիռով ռուս խաղաղապահների հրամանատար գեներալ Մուրադովի հետ Հայաստան է ժամանել թուրքական մի պատվիրակություն, որի առաքելությունը Մեղրիի տարածքում կառուցվող ճանապարհի տեղորոշումն է, այսպես ասած տեղանքի ուսումնասիրությունը:
 
Հայ գերիների, իրականում՝ պատանդների հարցը Մոսկվայի ու Բաքվի համար լծակ է Հայաստանի
ց զիջումներ կորզելու համար: Հայ զինծառայողների այս խումբը գերեվարվել է նոյեմբերի 9-ից հետո, բավական կասկածելի հանգամանքներում, եռակողմ հայտարարության խախտմամբ եւ ռուս խաղաղապահների մասնակցությամբ: Այս թեմային Լրագիրը բազմիցս անդրադարձել է: Այդ գործողության արդյունքում Հադրութի շրջանը լիովին անցավ Բաքվի վերահսկողության տակ:
 
Հատկանշական է, որ Մուրադովի ինքնաթիռը Բաքվից բերում է ոչ թե գերիներին, այլ թուրքական պատվիրակություն, որը «տեղորոշելու» է Մեղրիի միջանցքը: Ալիեւը վերջերս հայտարարել էր, թե Զանգեզուրը շուտով միավորելու է թյուրքական աշխարհը: Ավելացնենք, որ «հաղորդակցությունների ապաշրջափակումը» կատարվում է Ռուսաստանի նախաձեռնությամբ ու մասնակցությամբ, Թուրքիայի հետ միասին:
 
Կարծիքներ կան, որ «Մեղրիի միջանցքը», կամ՝ թյուրքական աշխարհի միավորումը ձեռնտու չէ Ռուսաստանին: Եթե մեկնենք այն կանխավարկածից, որ Ռուսաստանը ներկայում ի վիճակի չէ կանգնեցնել թյուրքական էքսպանսիան Կովկասում, պետք է արձանագրենք, որ դա Հայաստանի դեմ Լավրովյան պլանի իրագործման արդյունքն է: Հայաստանի ոչնչացման այս ծրագիրը Մոսկվային արդեն ուղիղ կախման մեջ է գցել Բաքվից, Ալիեւը ներկայում կարող է իրեն շատ բան թույլ տալ Ռուսաստանի հանդեպ:
 
Գերիների հարցը շանտաժի առարկա էր Կարմիր Շուկա բնակավայրի, ներկայում էլ՝ Մեղրիի միջանցքի հարցում: Գերիների հարցն այլ մեթոդներով լուծում է ենթադրում: Սակայն Հայաստանում ռուսահպատակ իշխող խմբի ու «ընդդիմության» առկայությունը բացառում է այդ մեթոդները:
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից


Կարդացել են 67 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար