Բեյրութի նավահանգստի վերականգնումը կարժենա 5 մլրդ դոլար

10-04-2021 11:37:35   | Հայաստան  |  Լուրեր



Բեյրութի նավահանգստի վերակառուցման նախագծի իրականացումը կարժենա 5 մլրդ ԱՄՆ դոլար և թույլ կտա ստեղծել լրացուցիչ 50 հազար աշխատատեղ:  «Արմենպրես»-ի փոխանցմամբ, այս մասին հայտնել է Լիբանանի տրանսպորտի և հասարակական աշխատանքների նախարարի

պաշտոնակատար Միշել Նաջարը:

«Ծրագրով նախատեսվում է նավահանգստի ենթակառուցվածքները ոչ միայն դարձնել ավելի ժամանակակից՝ բեռնափոխադրման ծավալների մեծացման նպատակով, այլև այն ընդլայնել դեպի արևելք՝ Բուրջ Համուդի ուղղությամբ»,- հայտնել է նախարարի պաշտոնակատարը:

 
Նախագծի հեղինակները գերմանական ընկերություններ են:
 
Բեյրութի նավահանգստում պայթյուն էր տեղի ունեցել 2020 թվականի օգոստոսի 4-ին, ինչի հետևանքով զոհվել էր առնվազն 215 մարդ, ավելի քան 7500-ը վիրավորվել: Դրա հետևանքով անօթևան էր մնացել 300 հազար մարդ: Պատճառը եղել էր նավահանգստում պահվող ամոնիումի նիտրատի պայթյունը:
 
Նոյյան տապան   -   Լուրեր
Լուրեր Հայաստանից եւ Սփյուռքից


Կարդացել են 158 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար