Փորձեք հարստացնել Հայաստանի քարտեզը. փորձագետի պարզաբանումները
10-04-2021 16:41:36 | Հայաստան | Հասարակություն
Տեղեկատվության անվտանգության փորձագետ Սամվել Մարտիրոսյանը ֆեյսբուքի իր էջում մի քանի պարզաբանում է ներկայացրել՝ Google Maps-ում տեղանունների ավելացման կամ դրանց հեռացման հետ կապված.
«Google Maps քարտեզների հետ կապված մի քանի պարզաբանում.
1. Ադրբեջանցիները միշտ էլ քարտեզի վրա իրենց անվանումները տեղադրել են։ Սա նոր բան չի, եղել է ու էլի կլինի։ Նույն կերպ հայերն են Ադրբեջանում սենց բաներ արել ու հիմա էլ են անում։ Պետք չէ սա ընկալել որպես ինչ-որ աննախադեպ երեւույթ։
2. Գուգլի քարտեզի վրայից օբյեկտների մեծ մասը մարդիկ են ավելացրել։ Քարտեզի վրա կամայական մարդ կարող է առաջարկել խմբագրում։ Օրինակ նոր տեղ ավելացնել, կամ եղածի անունը փոխել։ Հետո Գուգլի համակարգը հաշվի է առնում, թե խմբագրողը մինչեւ էս պահը ինչ ներդրում ա արել քարտեզներում։ Նաեւ մյուս օգտատերերը կարող են առաջարկել, որ սա լավ խմբագրում ա։ Ու այս ամենի հիման վրա համակարգը կարող ա ինչ-որ մի բան տեղադրել քարտեզի վրա։
3. Նույն կերպ կամայական մարդ կարող է բողոքել, եթե սխալ է տեսնում։ Մենակ թե gmail հաշիվ ունենաք։ Բողոքներով հնարավոր է մաքրել քարտեզը
4. Համ էլ փորձեք հարստացնել Հայաստանի քարտեզը
Հ.Գ. Սահմանները եւ ճանապարհները չեն խմբագրվում։ Էս հարցում մարդիկ ազդեցություն չունեն քարտեզների վրա»։
ՀԱՅԵՐԵՆ
Русский
English
Դաս. հայերեն
French
