ԱՄՆ պաշտպանության նախարարն այսօր սկսում է արտասահման ուղևորությունների շարք` հանդիպելու դաշնակիցներին
10-04-2021 18:06:11 | ԱՄՆ | Քաղաքական
Ուկրաինայի դեմ Ռուսաստանի ագրեսիայի ֆոնին` ԱՄՆ պաշտպանության նախարար Լլոյդ Օսթինը ապրիլի 10-ին սկսում է արտասահման ուղևորությունների շարք՝ հանդիպելու Վաշինգտոնի դաշնակիցների հետ։ Այս մասին հայտնում է azatutyun.am-ը։
Առաջիկա մեկ շաբաթվա ընթացքում Պենտագոնի ղեկավարը, մասնավորապես, այցելելու է Իսրայել, Գերմանիա, Մեծ Բրիտանիա, ինչպես նաև Բելգիա` այդ երկրում տեղակայված ՆԱՏՕ-ի կենտրոնակայան։ Ամերիկյան ռազմական գերատեսչության հաղորդագրության համաձայն` Օսթինը գործընկերների հետ հանդիպումների ընթացքում քննարկելու է պաշտպանության ոլորտում միջազգային հարաբերությունների կարևորությունը, վերահաստատելու ԱՄՆ-ի հավատարմությունը Հյուսիսատլանտյան անվտանգության ապահովման հարցում։
ՀԱՅԵՐԵՆ
Русский
English
Դաս. հայերեն
French
