Անհետ կորած և զոհված զինծառայողների ծնողները հանդիպել են պատգամավոր Սոֆիա Հովսեփյանի հետ

12-04-2021 19:04:30   | Հայաստան  |  Մամլո հաղորդագրություն



ԱԺ անկախ պատգամավոր Սոֆիա Հովսեփյանը ապրիլի 12-ին հանդիպեց  2020 թվականի սեպտեմբերի 27-ին Արցախի դեմ սանձազերծված պատերազմի հետեւանքով  զոհված եւ անհետ կորած մի խումբ զինծառայողների ծնողների  եւ հարազատների հետ:
 
Ծնողները հայտնեցին, որ իրենց պահանջը մեկն է՝ պատասխանատվության ենթարկել այն պաշտոնատար
անձանց եւ բարձրաստիճան զինվորականներին, որոնց իմացությամբ եւ հրամանով Հադրութի՝ արդեն ադրբեջանական հսկողության տակ գտնվող տարածք են ուղարկվել իրենց որդիները՝ Պաշտպանության բանակի ժամկետային զինծառայողները: Նրանցից  67-ը զոհվել է, 6-ի ճակատագիրն առայսօր հայտնի չէ:  Գործը գտնվում է ՀՀ քննչական կոմիտեում, սակայն ծնողները պահանջում են այն տեղափոխել ԱԱԾ:
 
Պատգամավոր Սոֆիա Հովսեփյանը հայտնեց, որ սա արդեն երկրորդ հանդիպումն է զինծառայողների ծնողների հետ, որի նպատակը հարցի վերաբերյալ ամբողջական պատկերացում կազմելն ու լուծման ուղիներ գտնելն է: Պատգամավորը պատրաստակամություն հայտնեց հարցի վերաբերյալ փակ քննարկումներ նախաձեռնելու  խորհրդարանում, որտեղ ծնողները կկարողանան ներկայացնել իրենց հուզող բոլոր հարցերը:
 
 
 
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 97 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար