ՍԴ-ն մերժեց Նաիրա Զոհրաբյանի վերաբերյալ ԲՀԿ-ի դիմումը. նա հանձնաժողովի նախագահի պաշտոնից զրկվել էր «ժեխ» բառի համար

13-04-2021 14:58:48   | Հայաստան  |  Իրավունք



Սահմանադրական դատարանը որոշել է, որ ԱԺ պատգամավոր Նաիրա Զոհրաբյանի՝ որպես Մարդու իրավունքների պաշտպանության և հանրային
հարցերի մշտական հանձնաժողովի նախագահի լիազորությունների դադարեցման մասին ԱԺ որոշումը համապատասխանում է Սահմանադրությանը։
 
Այս մասին հայտնում է ՍԴ խոսնակ Եվա Թովմասյանը, գրում է Հայկական ժամանակը:
 
Նախորդ տարվա դեկտեմբերին ՀՀ Ազգային ժողովը դադարեցրել էր Մարդու իրավունքների պաշտպանության եւ հանրային հարցերի մշտական հանձնաժողովի նախագահի պաշտոնում Նաիրա Զոհրաբյանի լիազորությունները։ 
 
ՀՀ ԱԺ պատգամավոր Նաիրա Զոհրաբյանի` որպես Մարդու իրավունքների պաշտպանության եւ հանրային հարցերի մշտական հանձնաժողովի նախագահի լիազորությունների դադարեցման մասին օրենքի նախագծին փակ գաղտնի քվեարկությամբ կողմ էր քվեարկել՝ 78, դեմ՝ 4 պատգամավոր:
 
«Իմ քայլը» խմբակցության որոշմամբ՝ Ազգային ժողովում շրջանառության մեջ էր դրվել Զոհրաբյանի լիազորությունները որպես Մարդու իրավունքների պաշտպանության եւ հանրային հարցերի մշտական հանձնաժողովի նախագահի դադարեցնելու մասին նախագիծ:
 
Խմբակցությունը նման նախագծի ներկայացումը հիմնավորում էր Զոհրաբյանի՝ այդ պաշտոնում հետագա պաշտոնավարումը շարունակելու անհնարինությամբ: 
 
Հիմնավորման առաջին կետում նշվել էր, որ սույն թվականի դեկտեմբերի 17-ին Նաիրա Զոհրաբյանը ֆեյսբուքյան էջում կատարել է գրառում, որի մեջ եղել է նաեւ այսպիսի հատված. «Ես ատում եմ քեզ ժեխ, որ իշխանության բերեցիր քոնմանին, ով դանդաղ փակում է մեր պետականության էջը»։
 
 
Նոյյան տապան   -   Իրավունք
Լուրեր Հայաստանից եւ Սփյուռքից


Կարդացել են 65 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար