ARMONIA 2021-ը փնտրում է աշխարհի հայ երիտասարդ տաղանդների

15-04-2021 19:29:42   | Հայաստան  |  Մամլո հաղորդագրություն



Երաժշտական տաղանդներին կգնահատի միջազգային մասշտաբի ժյուրին, իսկ
հաղթողները կստանան դրամաշնորհներ:
 
ARMONIA կրթական հարթակը կրկին որոնում է աշխարհի հայ երիտասարդ տաղանդների: www.armonia.me կայքում սկսվել է երաժշտական մրցույթը`աջակցելու դասական երաժշտության երիտասարդ կատարողներին:
 
ARMONIA 2021 մրցույթի կազմակերպիչ Armenian Assembly ՀԿ-ն հրավիրում է մասնակցության  9-ից 17 տարեկան բոլոր երիտասարդ երաժիշտներին, ովքեր նվագում են փողային, լարային կամ ստեղնաշարային
գործիքներ և ունեն դասական երաժշտական կրթություն։ 
 
Ինչպես 2020 թվականին, մրցույթն  անցկացվում է առցանց՝  www.armonia.me կայքում։  Մրցույթը նախատեսում է 4 դրամաշնորհ մասնակիցների երեք տարիքային խմբերի համար՝ 
9-ից 11 տարեկան, 
12-ից 14 տարեկան, 
15-ից 17 տարեկանը ներառյալ, 
«Հանդիսատեսի համակրանք»
 
Ըստ ARMONIA 2021 մրցույթի արդյունքների՝ Armenian Assembly-ն յուրաքանչյուր կարգի
հաղթողին կպարգևատրի դրամաշնորհ,  որը դափնեկիրները կկարողանան
օգտագործել բացառապես ստեղծագործական զարգացման և կրթական նպատակով։ Ինչպես նաև դափնեկիրները կընդգրկվեն Armenian Assembly-ի կողմից իրականացվող՝
Երիտասարդ տաղանդների աջակցման ծրագրում:
 
Մրցույթն  անցկացվելու է  երկու փուլով`տեսագրությունների հիման վրա։ 
 
1. Առաջին փուլ՝ Նախընտրականլ։ Ապրիլի 1-ից մինչև մայիսի 10-ը մրցույթի կայքում կկատարվի  առցանց դիմումների ընդունում, իսկ մայիսի 11-ից 18-ը Նախընտրական փուլի ժյուրիի անդամները կընտրեն յուրաքանչյուր տարիքային խմբի լավագույն կատարողներին։ Եզրափակիչ փուլ կանցնեն 15 կատարող։ 
2. Երկրորդ փուլ՝ Եզրափակչլ։ Մայիսի 19-ից 25-ը Եզրափակիչ փուլի ժյուրիի անդամները կընտրեն հաղթողներ յուրաքանչյուր տարիքային խմբից։ 
 
2021-ին Եզրափակիչ փուլի ժյուրիի անդամների կազմում ընդգրկված են համաշխարհային մաշտաբի  երաժշտության ոլորտի ներկայացուցիչներ՝ Կոնստանտին Օրբելյան (ԱՄՆ), Սերժ Թանկայն (ԱՄՆ), Ջիվան Գասպարյան (Հայաստան), Սերգեյ Սմբատյան (Հայաստան), Միխաիլ Խոխլով (ՌԴ), Ստաս Նամին (ՌԴ), Աննա Կասյան (Ֆրանսիա), Աննա Ագլատովա (ՌԴ), Արտյոմ Մանուկյան (ԱՄՆ), Ջիվան Գասպարյան կրթսեր (Հայաստան), Տիգրան Հեքեքյան (Հայաստան)։ 
 
Սերժ Թանկյան. ARMONIA 2021 Եզրափակիչ փուլի Ժյուրիի անդամ.«Բարև! Ես Սերժ Թանկյանն եմ: Եթե դու հայ դասական երաժիշտ ես, 9-ից 17 տարեկան, լրացրու՛ մասնակցության հայտը armonia.me կայքում: Այն մեծ մրցույթ է, որի շրջանակներում նախատեսվում է տրամադել 4 դրամաշնորհ: Ես կլինեմ ժյուրիի կազմում, այնպես որ կկարողանամ լսել ձեր կատարումները: Մաղթում եմ հաջողություն»։ 
 
Կոնստանտին Օրբելյան. ARMONIA 2021 Եզրափակիչ փուլի Ժյուրիի անդամ.«Ուրախ եմ հայտնել, որ Armenian Assemlby-ն փնտրում է երաժշտական մեծ տաղանդներ: Մենք ՝ հայերս, շատ տաղանդավոր պատանիներ ունենք: Անհամբեր կսպասեմ տեսնել ձեր կողմից ներկայացված կատարումները»:
 
Տիգրան Հեքեքյան, ARMONIA 2021 Եզրափակիչ փուլի Ժյուրիի անդամ.«Սիրելի երիտասարդ երաժիշտներ, Armenian Assembly-ն հերթական անգամ անցկացնում է երիտասարդ տաղանդավոր երաժիշտների համար նախատեված մրցույթ, և ես համոզված եմ, որ հայերն ունեն շատ տաղանդավոր երեխաներ, երիտասարդներ և կատարողներ: Մասնակցեք մրցույթին, ներկայացրեք ձեր հայտը և ցույց տվեք ձեր հնարավորությունները: Մաղթում եմ հաջողություն»:
 
Մայիսի 19-ին մրցութի կայքում կհրապարակվեն եզրափակիչ փուլ անցած մասնակիցների ելութները, և մինչև մայիսի 25-ը ներառյալ՝ մեկ շաբաթվա ընթացքում ARMONIA կրթական հարթակի կայք այցելուները կկարողանան քվեարկել իրենց
նախընտրած մասնակցի օգտին: Հանդիսատեսի քվեարկության արդյունքների համաձայն՝ կընտրվի չորրորդ դրամաշնորհի՝ «Հանդիսատեսիհամակրանք» մրցանակի հաղթողը 2021 թվականին ARMONIA կրթական հարթակի հիմնական խնդիրն է ընդլայնել մրցույթի աշխարհագրությունը և մասնակիցներ ներգրավել ամբողջ աշխարհից:
 
2018 թվականից ի վեր Armenian Assembly- ին աջակցել է դասական երաժշտության և սպորտի ոլորտում զարգացող 12 երիտասարդ տաղանդների:
 
Armenian Assembly հասարակական կազմակերպություն առաքելությունն է Հայաստանում և սփյուռքում մշակույթի, կրթության, զբոսաշրջության և տեղեկատվական տեխնոլոգիաների ոլորտներում սոցիալ-ձեռներեցության նախագծերի աջակցությունն ու իրականացումը: Իր ակտիվ գործունեության վերջին երկու տարվա ընթացքում կազմակերպությունն իրականացրել և աջակցել է ավելի քան 35 նախագծի Հայաստանում և սփյուռքում:
 
 
 
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 117 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար