Կրթամշակութային միջոցառումներով հագեցած Ազգային գրադարանային շաբաթն ավարտվեց

19-04-2021 14:07:57   | Հայաստան  |  Հասարակություն



Խնկո Ապոր անվան ազգային մանկական գրադարանում ապրիլի 12-19-ն անցկացվեց արդեն ավանդական դարձած Ազգային գրադարանային շաբաթը: Ամենամյա ծրագիրը հագեցած էր մշակութային և կրթական միջոցառումներով:
 
Ազգային գրադարանային շաբաթը մեկնարկեց Հայաստանի Հանրապետության անկախության 30-ամյակին նվիրված և գրադարանի
նկարչական ստուդիայի սաների աշխատանքների ցուցահանդեսներով: 
Գրական հանդիպումների շրջանակում կազմակերպվեցին Մարկ Լևիի և Հրաչյա Մանուկյանի գրքերի քննարկումները: Հայրենիքի պաշտպանի վերականգնողական կենտրոնում (Զինվորի տուն) կայացավ արցախյան պատերազմում վիրավորում ստացած զինվորների հանդիպումը երիտասարդ գրող Դավիթ Սամվելյանի հետ. քննարկվեց նրա «հակաՔԱՂԱՔական» գործը: 
 
«Տարվա հոբելյար» խորագրով անցկացվեցին միջոցառումներ նվիրված կոմպոզիտորներ Առնո Բաբաջանյանի 100, Ալեքսանդր Սպենդիարյանի 150 և գրող, մանկագիր Նանսեն Միքայելյանի ծննդյան 90-ամյակներին:
 
Շաբաթի շրջանակում անցկացվեցին նաև տեսապատկերներով անգլերեն ինտերակտիվ խաղ-մրցույթ, երգերի կոլեկտիվ ունկնդրումներ, հեքիաթների ընթերցումներ դերասան Ստ. Շահինյանի կատարմամբ: 
Իրականացվեցին փոխայցելություններ մայրաքաղաքի գրադարաններ:
 
 
 
 
Նոյյան տապան   -   Հասարակություն
Լուրեր Հայաստանից եւ Սփյուռքից


Կարդացել են 88 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար