Արցախից հաստատում եմ. ԱԻՊԾ փոխտնօրենին աշխատանքից ազատել են հակաիշխանական հայտարարությունների համար

19-04-2021 18:19:51   | Հայաստան  |  Մամլո հաղորդագրություն



Արցախի ԱԻՊԾ-ից հաստատում են, որ Բորիս Ավագյանին պաշտոնից ազատել են այսօր ՀՀ ԱԺ-ում հակաիշխանական հայտարարությունների համար, մինչդեռ ավելի վաղ ԱՀ նախագահի մամուլի քարտուղարը հայտարարել էր, որ Բորիս Ավագյանը Արցախում որևէ պաշտոն չի զբաղեցնում։
 
«Երևան քաղաքում Բորիս Ավագյանի կողմից տրված ասուլիսի ընթացքում
հնչեցրած կարծիքների հմար, ԱՀ ՆԳ նախարար Կարեն Սարգսյանի հրամանով վերջինս այսօր ազատվել է ԱԻ պետական ծառայության տնօրենի տեղակալի պաշտոնից։
 
Բ․Ավագյանն իր կողմից կազմակերպված ասուլիսի և ծառայության անունից հանդես գալու մասին տեղյակ չի պահել վերադաս ղեկավարությանը և խոսել է իր լիազորությունների շրջանակներից դուրս թեմաներից։
 
Բ․Ավագյանի արտահայտած մտքերի ու կարծիքների մեծ մասը ոչ միայն չեն կիսում ներքին գործերի նախարարության և արտակարգ իրավիճակների պետական ծառայության դիրքորոշումը, այլ նաև չեն համապատասխանում իրականությանը։
 
Հաշվի առնելով վերջինիս՝ ծառայողին ոչ հարիր պահվածքը և պաշտոնական դիրքի չարաշահումը, Կարեն Սարգսյանի հրամանով Բորիս Ավագյանն ազատվել է զբաղեցրած պաշտոնից»,- ասված է ԱԻՊԾ տարածած հաղորդագրությունում։
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 87 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար