Չենք կարող այլևս թույլ տալ, որ Հայաստանն իր անվտանգությունը պայմանավորի միայն ՌԴ-ի հետ համագործակցությամբ. Արման Բաբաջանյան
19-04-2021 20:03:16 | Հայաստան | Քաղաքական
Մենք 2020 թվականի պատերազմում պարտություն ենք կրել, որովհետև մեր անվտանգային համակարգը ամբողջությամբ կապել ենք ՀԱՊԿ-ի և ռուս-հայկական համագործակցության հետ։ Այս մասին «Նոյյան Տապան»-ի «Քննարկում» հաղորդաշարի ժամանակ նշեց ԱԺ պատգամավոր, «Հանուն Հանրապետության» կուսակցության ղեկավար մարմնի ներկայացուցիչ Արման Բաբաջանյանը։
«Ըստ էության, մեր ամբողջ սպառազինությունը ձեռք ենք բերել միայն ՌԴ-ից և այն խայտառակ պուրակը, որը բացվել է Բաքվում, ոչ այնքան մեր զինված ուժերի նկարագրությունն է, այլ ռուսական զենքի պարտությունը և այն սպառազինության հաղթանակը, որն ադրբեջանական բանակը կիրառեց մեր նկատմամբ։ Թող ռուսներն իմանան, որ իրենց ռազմավարական դաշնակիցը այս պայմաններում է պարտություն կրել։ Մենք չենք կարող այլևս թույլ տալ, որ Հայաստանն իր անվտանգության ապահովման կարևորագույն պլանավորումը պայմանավորի ՌԴ-ի հետ համագործակցությամբ»,- ասաց Բաբաջանյանը։
ՀԱՅԵՐԵՆ
Русский
English
Դաս. հայերեն
French
