Ադրբեջանը սկսել է դեպի Նախիջևան ճանապարհի կառուցումը, հայտարարել է թուրք նախարարը

19-04-2021 21:35:43   | Ադրբեջան  |  Ի՞նչ է գրում մամուլը



Թուրքիայի տրանսպորտի և ենթակառուցվածքների նախարար Ադըլ Կարաիսմաիլօղլուի խոսքով՝ Ադրբեջանը սկսել է դեպի Նախիջևան ճանապարհի շինարարությունը, որը պետք է ավարտին հասցվի կարճ ժամկետներում։ «Ազատություն» ռադիոկայանի փոխանցմամբ՝ այս մասին թուրք պաշտոնյան հայտարարել
է Yeni Safak թերթի հետ զրուցում։
 
«Անհրաժեշտ է արդիականացնել նաև Նախիջևանի երկաթուղիները, ինչից հետո սկսել Ադրբեջանից Նախիջևան ուղիղ երկաթգծի կառուցումը՝ այդպիսով ապահովելով Թուրքիայի եւ Ադրբեջանի միջև ուղիղ, այլ ոչ թե Վրաստանի տարածքով երկաթուղային հաղորդակցությունը», - հայտարարել է Թուրքիայի տրանսպորտի և ենթակառուցվածքների նախարարը՝ հավելելով, որ Ադրբեջանն այդ աշխատանքները պլանավորում է սկսել արդեն առաջիկա դեկտեմբերին՝ «ավտոճանապարհի կառուցումից հետո»։
 
Կա նաև տեղեկություն, որ նախատեսվում է երկաթգծի կառուցում թուրքական Կարսից մինչև նախիջևանի սահման։ 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից


Կարդացել են 76 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար