ՌԴ պատվիրակները քվեարկել են շատ կոնկրետ հարցով․ Մոսկվայի հերթական թշնամական ակտը Հայաստանի հանդեպ

20-04-2021 18:12:19   | Հայաստան  |  Ի՞նչ է գրում մամուլը



Lragir.am-ը գրու
մ է. «Եվրախորհրդի Խորհրդարանական վեհաժողովի պաշտոնական կայքը հրապարակել է անվանական քվեարկության արդյունքները հայ ռազմագերիների հարցն արտակարգ ռեժիմով գարնանային նստաշրջանի օրակարգ ներառելու հարցի վերաբերյալ:
 
93 պատվիրակ կողմ է քվեարկել «Հայ ռազմագերիներ, այլ գերիներ եւ տեղահանվածներ» հարցն օրակարգ մտցնելուն, 21-ը՝ դեմ, 18-ը ձեռնպահ է մնացել: Դեմ քվեարկած ԵԽԽՎ 21 պատվիրակներից 8-ը ներկայացնում են
Թուրքիան, 6-ը՝ Ադրբեջանը, 5-ը՝ Ռուսաստանը, այդ թվում՝ Ռուսաստանի պատվիրակության ղեկավար Լեոնիդ Սլուցկին եւ նախկին գեղասահորդ Իրինա Ռոդնինան, 1-ական պատվիրակ Հունգարիայից եւ Սերբիայից: Ռուսաստանի պատվիրակության եւս 7 անդամ ձեռնպահ է մնացել:
 
Հայ գերիների թեման ընդգրկված է ընթացիկ հարցերի փաթեթում։ Այս փաթեթում ընդգրկված էր 4 հարց, որոնցից երկուսը վերաբերում են կորոնավիրուսին, իսկ մեկը՝ Եվրոպայի անվտանգությանը Ռուսաստանից բխող սպառնալիքին։ Երեկվանից հայկական համացանցում բանավեճեր են ընթանում այն հարցի շուրջ, թե արդյոք քվեարկվել է ողջ փաթեթը։ Սակայն ըստ կանոնակարգի՝ քվեարկության է դրվում այն հարցը, որի շուրջ առարկություն է լինում․ տվյալ դեպքում՝ հայ ռազմագերիների հարցի վերաբերյալ առարկություն է առաջ քաշել ադրբեջանական պատվիրակությունը, և հարցը քվեարկվել է առանձին։
 
Ըստ այդմ, Ռուսաստանի պատվիրակությունը քվեարկել է ոչ թե փաթեթի, այլ կոնկրետ հայ ռազմագերիների հարցը օրակարգ մտցնելու հարցով։
 
Այստեղ իհարկե զարմանալու բան չկա, պարզապես մեկ անգամ եւս հաստատվում է այն պնդումը, որ Բաքուն գործում է Մոսկվայի խրախուսանքով ու հովանավորությամբ, սկսած պատերազմից, վերջացրած հայ գերիների ու հայկական պատմամշակութային ժառանգության ոչնչացումից։ Գերիների, իրականում՝ պատանդների հարցը Մոսկվայի ու Բաքվի համար լծակ է Հայաստանին նոր որոշումներ պարտադրելու համար, մասնավորապես եռակողմ հայտարարությունը լեգիտիմացնելու ուղղությամբ, որն իր մեջ ներառում է Մինսկի խմբի չեզոքացումից մինչեւ Բաքվի հետ ինչ որ պայմանագիր։ Հայաստանում փալաս կառավարության ու Ռուսաստանին սպասարկող ահռելի քաղաքական-մեդիա ռեսուրսը՝ վրադիր։
 
ԵԽԽՎ-ում ռուսական պատվիրակությունը հակահայ գործիչների մի ծաղկեփունջ է, որից արժե առանձնացնել Իրինա Ռոդնինային, ով Բաքվում մասնակցել է այսպես կոչված Խոջալուի երթին ու հակահայկական միջոցառումներին։ Երթի ժամանակ նա հայտարարել էր, որ ռուսաստանցիների 99 տոկոսը ոչինչ չգիտի Խոջալուի մասին, ուստի անհրաժեշտ է այդ մասին ֆիլմեր նկարահանել ու գրքեր գրել։
 
Թե գերիների, թե միջազգային կառույցներում մեր «դաշնակիցների» պահվածքի մասով հսկայական անելիք ունեն պատգամավորները եւ առանձնապես ՀՀ ԱԳՆ-ն։ Դա մասնավոր խնդիր չէ, նկատի ունենալով Հայաստանի դեմ Ռուսաստանի պրոքսի պատերազմի հանգամանքները․ երեկվա քվեարկությունը այդ պատերազմի դրվագներից մեկն է»։
 
 
 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից


Կարդացել են 83 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար