Ռոբերտ Մենենդեսը ողջունել է Բայդենի մտադրությունը՝ պաշտոնապես ճանաչել Հայոց ցեղասպանությունը. ՏԱՍՍ
22-04-2021 19:35:31 | ԱՄՆ | Ի՞նչ է գրում մամուլը
ԱՄՆ Կոնգրեսի Սենատի արտաքին գործերի հանձնաժողովի ղեկավար Ռոբերտ Մենենդեսը ողջունել է ԱՄՆ նախագահ Ջո Բայդենի մտադրությունը՝ պաշտոնապես ճանաչել հայերի ցեղասպանությունը Օսմանյան տիրությունում 20-րդ դարի սկզբին։ Այս մասին, ինչպես փոխանցում է ՏԱՍՍ-ը, նշվում է հանձնաժողովի տարածած հայտարարության մեջ:
«Ողջունում եմ նախագահի որոշումը վերջ տալու մարդկության պատմության ամենամռայլ իրադարձություններից մեկի մասին ավելի քան 100-ամյա լռությանը։ Մենք հիշատակում ենք ցեղասպանության զոհերին, հիշում ենք՝ ինչպես են նրանք զոհվել, և ուրախ ենք, որ փոխել ենք այն, ինչ կիմանա պատմությունը նրանց մահվան մասին»,- ասել է նա։
Ավելի վաղ Ցեղասպանությունը ճանաչելու վերաբերյալ Բայդենի մտադրության մասին էր հայտնել The Wall Street Journal-ը ՝ հղում կատարելով ամերիկյան ադմինիստրացիայի իր աղբյուրներին։ Ըստ լրատվամիջոցի՝ Բայդենը պաշտոնապես հայտարարություն կանի շաբաթ օրը՝ ապրիլի 24-ին։
ՀԱՅԵՐԵՆ
Русский
English
Դաս. հայերեն
French
