Հայաստանի առաջատար աթլետները օլիմպիական խաղերին մասնակցելու հույս են փայփայում
27-04-2021 19:38:36 | Հայաստան | Սպորտ
Հայաստանի առաջատար աթլետները օլիմպիական խաղերին մասնակցելու հույս են փայփայում: Հավաքականի գլխավոր մարզիչ Միշա Հայրապետյանը զրույցում ընդգծեց կապանցի եռացատկորդ Լևոն Աղասյանի, միջին տարածության / 1500 մ. / գյումրեցի վազորդ Երվանդ Մկրտչյանի և ամերիկահայ արագավազորդ Ալեքս Դոնիկյանի անունները: Նրանք նախապատրաստվում են նախապես կազմած ծրագրով, տեղեկանում ենք Հայաստանի օլիմպիական կոմիտեից:
Նշած մարզիկները կմասնակցեն Հունաստանի Կալամանկա քաղաքում և Ծաղկաձորում անցկացվելիք ուսումնամարզական հավաքներին:
Լուրջ ստուգատես է Եվրոպայի փոքր երկրների առաջնությունը: Այն կմեկնարկի Սան Մարինոյում ՝ հունիսի 5 –ին : Դրան կհաջորդի Կիպրոսի Նիկոսիայում հունիսի 19 –ին մեկնարկելիք հին աշխարհամասի թիմային առաջնությունը:
Հաջողության հասնելու հույսով են Խորվաթիայի Սպլիտ քաղաք մեկնում մրճանետորդուհի Ժաննա Շահնազարյանը և սկավառականետորդ Մանուկ Մանուկյանը: Նրանց «քննությունը» կանցկացվի մայիսի 8 –ին և 9 –ին՝ Եվրոպայի նետորդների գավաթի խաղարկությունում:
ՀԱՅԵՐԵՆ
Русский
English
Դաս. հայերեն
French
