Թուրքիան ու Ադրբեջանը եթե ոչ «դե յուրե», գոնե «դե ֆակտո» փորձելու են հասնել Սյունիքի նկատմամբ ազդեցության հաստատման. Բենիամին Պողոսյան

06-05-2021 20:05:18   | Հայաստան  |  Քաղաքական





Թուրքիան և Ադրբեջանը կենսականորեն շահագրգռված են, որպեսզի Սյունքիում տեղի ունենա հայ բնակչության նվազում, չասեմ հայաթափում, որ այնտեղ նրանք կարողանան առնվազն տնտեսական ներթափանցում ունենալ, իսկ տնտեսական ներթափանցմանը զուգահեռ գուցե որոշակի քանակությամբ թուրք և ադրբեջանցի բնակչություն հայտնվի Սյունիքում: Այս մասին «Նոյյան Տապան»-ի «Քննարկում» հաղորդաշարի ժամանակ նշեց Քաղաքական գիտությունների հայկական ասոցիացիայի ղեկավար, պատմական գիտությունների թեկնածու Բենիամին
Պողոսյանը:
 
Ըստ նրա` երկարաժամկետ ապագայում էլ Թուրքիան ու Ադրբեջանը եթե ոչ  «դե յուրե», գոնե «դե ֆակտո» փորձելու են հասնել Սյունիքի նկատմամբ ազդեցության հաստատման: «Սա ակնհայտ է, և կարծում եմ, այս նպատակին հասնելու համար նրանք տարբեր միջոցներ կօգտագործեն: Դրանից առաջինը բնակչության շրջանում վտանգի զգացողություն ստեղծելն է, որ Սյունիքի բնակչի համար ֆիզիկական անվտանգության հարց առաջանա: Մյուս կողմից էլ նրանք փորձելու են ցույց տալ, թե իբր ինչ ապագա կա այդտեղ, որ մարդիկ սկսեն մտածել Սյունիքից տեղափոխվելու մասին: Այսինքն, հագեբանական ճնշումներ կլինեն»,- ասաց նա:
 
Պողոսյանը նաև ընդգծեց, որ Թուրքիան հասկանում է, որ դա մի քնաի ամսում չի կարող լինել, և նրանք երկար կարող են խաղալ` 5,10 տարի հետո էլ եթե Սյունիքը հայտնվի նրանց վերահսկողության տակ, կարծում եմ, գրեթե իդեալական տարբերակ է Թուրքիայի համար:
 
Առավել մանրամասն` տեսանյութում 
 
Նոյյան տապան   -   Քաղաքական
Լուրեր Հայաստանից եւ Սփյուռքից


Կարդացել են 252 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար