Գնում ենք Եռաբլուր, այնտեղ են մեր հաղթանակները

07-05-2021 13:33:06 | Հայաստան | Քաղաքական

«ՄԱՅՐ ՀԱՅԱՍՏԱՆ» ՔԱՂԱՔԱՑԻԱԿԱՆ ՆԱԽԱՁԵՌՆՈՒԹՅԱՆ ՇԱՐԺՄԱՆ ԲԼՈՐ ԱՆԴԱՄՆԵՐԻՆ ԵՎ ՀԱՄԱԿԻՐՆԵՐԻՆ

ԳՆԱՆՔ ԵՌԱԲԼՈՒՐ...

1992թ. Մայիսի 8-ի գիշերը՝ լույս 9-ի առավոտյան հայ հերոսները պատմության մեջ չկրկնվող հերոսականությամբ թուրքերից ազատագրեցին ՇՈՒՇԻ բերդաքաղաքը:

Հայերս փառավոր հաղթանակ տարանք, որովհետև միակամ էինք և անդավաճան...

2020թ. 44-օրյա պատերազմի ընթացքում դարձյալ հայ գենի բացառիկ մարտերով, սակայն անսպասելի դավադրությամբ Շուշին կրկին հանձնվեց թուրքերին: Բայց սա դեռ վերջը չէ, քանզի Արցախի հողում սերմի պես պահպանվել են հայ դյուցազունների քաջարյուն ոգիները:

Բարեկամներ Մայիսի 9-ին, ժամը 10.30-ին համախմբվենք Եռաբլուր բարձրացող կամարի դարպասի մոտ՝ լեռան բարձունքում ոգեղենացած մեր անմոռաց հերոսներին խնկարկելու, Եռաբլուրում են մեր հաղթանակները:

Փառք ու պատիվ՝ առյուծածին հայոց մայրերին...

Փառք ու պատիվ՝ հաղթանակի համար պայքարի բոլոր

հերոսներին...

Փառք ու պատիվ Կոմանդոսին...

Փառք ու հաղթանակներ այն սերնդին, որ հայրենիքի զարկերակի տերն է և լինելու է...

Ռուզան Ասատրյան

«Մայր Հայաստան» միավորման նախագահ

գրող - հրապարակախոս

Նոյյան տապան - Քաղաքական