Երևանում «Դոմ Մոսկվի» կենտրոնը տոնում է Մեծ Հայրենական Հաղթանակի 76-ամյակը

08-05-2021 18:38:13   | Հայաստան  |  Մամլո հաղորդագրություն



Երևանում «Դոմ Մոսկվի» մոսկովյան մշակութագործարարական կենտրոնը մայիսի 7-11-ը նշում է Մեծ Հայրենական Հաղթանակի 76-ամյակը։ 
 
Ինչպես տեղեկանում ենք կենտրոնից, տոնական միջոցառումների շրջանակում տեղի ունեցավ ինտելեկտուալ վիկտորինա՝ «Ի՞նչ, որտե՞ղ, ե՞րբ»՝ նվիրված Հայրենական մեծ պատերազմին։ Ինտելեկտուալ պայքարում միմյանց դեմ մրցում էին հայաստանյան բուհերի ուսանողները և ավագ դպրոցի աշակերտները։ Ձևավորվել էր 9 թիմ, վիկտորինայի թեմատիկան  Հայաստանի մասնակցությունն էր Հայրենական մեծ պատերազմին և ճակատագրական մարտերը։  Մրցանակային 3-րդ տեղը գրավեց  ԵՊՀ-ի, 2-րդ՝ Գ.Վ. Պլեխանովի անվան Ռուստաստանի տնտեսագիտական համալսարանի թիմը և առաջին  տեղը՝  Վ․Բրյուսովի անվան պետական համալսարանի թիմը։ Ամենագիտակ մասնակից ճանաչվեց հայ-ռուսական սլավոնական համալսարանից Դավիթ Սարգսյանը։ Ժյուրիի հատուկ
մրցանակին արժանացավ ՌԴ Անվտանգության դաշնային ծառայության սահմանապահ վարչության կից հանրակրթական դպրոցի թիմը:
 
«Մենք կարևորում ենք Հայրենական մեծ պատերազմի մասնակիցների մեծ գործը, հիշում և հպարտանում ենք հերոսներով, որոնք կերտել են Մեծ Հաղթանակը։ Հայաստանի և Ռուսաստանի հերոսական պատմության մեջ հավերժացվել է վետերանների սխրագործությունը: Նման վիկտորինան երիտասարդների շրջանում բարձրացնում են իրազեկվածությունը և հարգանքի նշան է բոլոր նրանց, ովքեր կյանք չեն խնայել մեծ հաղթանակի համար։ Հարգում ենք բոլոր զոհերի հիշատակը և հպարտանում վետերաններով, որոնք մեր կողքին են»,- նշեց Երևանում «Դոմ Մոսկվի» կենտրոնի գլխավոր տնօրեն Վահրամ Կարապետյանը։
 
Արդեն ամենամյա դարձած վիկտորինան անց է կացվում ՀՀ Վետերանների կոմիտեի, ՀՀ–ում «Ի՞նչ, որտե՞ղ, ե՞րբ» գիտակների ասոցացիայի հետ: 
 
Ինտելեկտուալ խաղին զուգահեռ տեղի ունեցավ Հայրենական Մեծ պատերազմին նվիրված «Արխիվային փաստաթղթերի և պլակատների» ցուցահանդեսի բացումը։ Առաջին անգամ Հայաստանում ցուցադրվեցին բացառիկ լուսանկարներ, արխիվային նյութեր, պոստերներ Հայրենական Մեծ պատերազմի տարիներից։ Ցուցահանդեսը կազմակերպվել է Ռոսարխիվի,  Հայաստանի ազգային արխիվի և Ա. Խաչատրյան տուն-թանգարանի հետ:
 
Հայրենական Մեծ հաղթանակին նվիրված միջոցառումները շարունակվելու են մայիսի 8-ին և 9-ին։  Երևանի կենտրոնում և Հաղթանակի զբոսայգում
քաղաքացիներին կբաժանվեն Գեորգիևյան ժապավեններ։ 
 
Հաղթանակի 76-ամյակին նվիրված միջոցառումները կեզրափակվեն մայիսի 11-ին 19։00-ին Կոմիտասի  անվ․ կամերային երաժշտության տանը «Պատերազմի օրերի մեղեդիները» խորագիրը կրող դասական երաժշտության համերգով,  որը  իրականացվում է ՀՀ ԿԳՄՍ նախարարության աջակցությամբ։ Համերգին հնչելու են կոմպոզիտորներ Դմիտրի Շոստակովիչի և Արամ Խաչատրյանի ստեղծագործությունները, որոնք ստեղծվել են Հայրենական պատերազմի տարիներին։ Համերգին զուգահեռ դահլիճի ճեմասրահում կցուցադրվի նաև թեմատիկ ֆոտոցուցահանդես։
 
 
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 264 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար