ՀՀ մանկատների շրջանավարտներին տրամադրվող բնակարանի գնման վկայագրի գործողության ժամկետը մինչև 2021 թ․ հունիսի 1-ն է
11-05-2021 12:19:46 | Հայաստան | Մամլո հաղորդագրություն
Հարգելի՛ շահառուներ,
Աշխատանքի և սոցիալական հարցերի նախարարության կողմից պետական հոգածության ներքո գտնվող ՀՀ մանկատների շրջանավարտներին տրամադրվող բնակարանի գնման վկայագրի (ԲԳՎ) գործողության ժամկետը մինչև 2021 թ․ հունիսի 1-ն է։
Մանկատների շրջանավարտներից 206-ն արդեն բնակարանի գնման վկայագիր է ստացել։
Հիշեցնենք, որ բնակարանի գնման վկայագրի համար դիմումներ ընդունելու վերջնաժամկետը 2021 թվականի մարտի 1-ն էր:
ԲԳՎ ստանալու իրավունք ունեն ՀՀ քաղաքացիություն ունեցող, 1991 թվականից մինչ օրս սեփականության կամ համասեփականության իրավունքով այլ բնակելի տարածք չունեցող և վերջին հինգ տարվա ընթացքում բնակելի տարածք չօտարած ՀՀ մանկատների շրջանավարտները։
ՀԱՅԵՐԵՆ
Русский
English
Դաս. հայերեն
French
