ՀՌՀ-ն կհամագործակցի «Լոկատոր» և «ՅՈւ ԷՅ ՎԻ ԼԱԲ» ընկերությունների հետ
12-05-2021 15:55:33 | Հայաստան | Մամլո հաղորդագրություն
Հայ-Ռուսական համալսարանը համագործակցության հուշագրեր է ստորագրել «Լոկատոր» և «ՅՈւ ԷՅ ՎԻ ԼԱԲ» ընկերությունների հետ։
Հուշագրերի համաձայն՝ շահագրգռված լինելով խորացնել և զարգացնել համագործակցությունը կրթական ոլորտում՝ կողմերը կզարգացնեն համագործակցությունը տարբեր կրթական ծրագրերի շրջանակներում, որոնք մասնավորապես վերաբերում են հեռահաղորդակցությանը, ռոբոտատեխնիկային, ռադիոտեղորոշմանը, ռադիոնավիգացիային, կառավարման և ծրագրային համակարգերին։
Կողմերն անհրաժեշտության դեպքում կարող են հիմնել կրթական և գիտահետազոտական լաբորատորիաներ, կենտրոններ ու համատեղ իրականացնել տարբեր կրթական և հետազոտական աշխատանքներ։
Հայ-Ռուսական համալսարանը կարող է ուղարկել իր ուսանողներին «Լոկատոր» և «ՅՈւ ԷՅ ՎԻ ԼԱԲ» ընկերություններ՝ պրակտիկ և լաբորատոր աշխատանքներ իրականացնելու համար: Վերոնշյալ ընկերությունները նաև կաջակցեն բարձր առաջադիմությամբ ուսանողներին աշխատանքի տեղավորման հարցում: