Պայթյունավտանգ իրավիճակ է, ադրբեջանական զինուժի շուրջ 250 ներկայացուցիչներ դեռ գտնվում են ՀՀ պետական սահմանից ներս. Նիկոլ Փաշինյան
13-05-2021 19:38:31 | Հայաստան | Քաղաքական
Արդեն երկրորդն օրն է Սյունիքի մարզի Սև լճի շուրջ և մերձակա տարածքներում պայթյունավտանգ իրավիճակ է: Այս մասին Անվտանգության խորհրդի նիստում հայտարարեց ՀՀ վարչապետի պաշտոնակատար Նիկոլ Փաշինյանը:
«Պատճառն այն է, որ Ադրբեջանի Զինված ուժերի զինծառայողների որոշ խմբեր հատել են ՀՀ պետական սահմանը և Սև լիճը պարփակելու ուղղված գործողություններ են արել: ՀՀ զինված ուժերը մարտավարական բնույթի գործողություններ են իրականացրել: Հարակից տարածքներում դրքավորված ադրբեջանցի զինծառայողները մեր զինուժի մարտավարական հակագործողությունների արդյունքում հեռացել են զբաղեցրած բնագծերից: Ոչ Հայաստանի, ոչ Ադրբեջանի զինուժի ներկայացուցիչների կողմից այս պահի դրությամբ հրազենի կամ այլ զինատեսակի կիրառման դեպք չի գրանցվել:
Ամեն դեպքում ադրբեջանական զինուժի շուրջ 250 ներկայացուցիչներ այս պահին շարունակում են գտնվել մեր պետական սահմաններից ներս` Սյունիքի ու Գեղարքունիքի մարզերի որոշ հատվածներում»,- հայտարարեց Փաշինյանը:
ՀԱՅԵՐԵՆ
Русский
English
Դաս. հայերեն
French
