Ադրբեջանը փորձել է դիրքային առաջխաղացում ապահովել նաև Վարդենիսի սահմանային որոշ հատվածներում
13-05-2021 20:35:43 | Հայաստան | Մամլո հաղորդագրություն
ՀՀ Գեղարքունիքի մարզպետարանից հայտնում են. «Մայիսի 12-ին հակառակորդը, առաջնորդվելով 2020 թվականի նոյեմբերի 9-ի համաձայնագրով, սահմանային ճշգրտման աշխատանքներ է իրականացրել Վարդենիսի տարածաշրջանի այն հատվածներում, որտեղ, եղանակային անբարենպաստ պայմանների պատճառով չէր հասցրել իրականացնել:
Նշված աշխատանքները, նույն հատվածներում, շարունակվել են մայիսի 13-ին:
Սակայն օրվա երկրորդ կեսին, ադրբեջանական զինված ուժերը «սահմանների ճշգրտման» հիմնավորմամբ, փորձել են դիրքային առաջխաղացում ապահովել Վարդենիսի սահմանային որոշ հատվածներում։
Ինչպես է նշված ՀՀ պաշտպանության նախարարության տարածած հաղորդագրության մեջ՝ ՀՀ զինված ուժերի գործողությունների արդյունքում առաջխաղացումը կասեցվել է, ադրբեջանական կողմին պահանջ է ներկայացվել տարածքն անհապաղ լքելու և իրենց ելման դիրքեր վերադառնալու վերաբերյալ»։
ՀԱՅԵՐԵՆ
Русский
English
Դաս. հայերեն
French
