«Չենք պատրաստվում որևէ մետր թողնել». ՊՆ–ն ադրբեջանցիներին է ներկայացրել մեր դիրքորոշումը
14-05-2021 13:55:33 | Հայաստան | Մամլո հաղորդագրություն
Այս պահին ադրբեջանցիները դեռևս Սյունիքում են, իրենց զբաղեցված հատվածում և սպասում են իրենց վերադասի հրահանգին։ Տեղեկությունը Նոյյան Տապանին հայտնեցին պաշտպանության նախարարությունից։
«Երեկ ուշ երեկոյան տեղի ունեցած բանակցությունների ընթացքում մեր դիրքորոշումն ադրբեջանական կողմին ներկայացվել է շատ հստակ և կոշտ։ Ասվել է, որ դա մեր տարածքն է և չենք պատրաստվում որևէ մետր նրանց թողնել։ Տարածքները մերն են, և դա չի քննարկվում»,–ասացին ՊՆ–ից
Հիշեցնենք, որ երեկ հրավիրված ԱԽ նիստում վարչապետի պաշտոնակատար Նիկոլ Փաշինյանը հայտարարել է, որ Հայաստանը Սյունիքի եւ Գեղարքունիքի սահմանային դեպքերի առնչությամբ դիմել է ՀԱՊԿ-ին։
ՀԱՅԵՐԵՆ
Русский
English
Դաս. հայերեն
French
