Բանակցություններին միացել է նաև ռուսական 102-րդ ռազմաբազայի ներկայացուցիչը՝ իրենց աշխատանքային քարտեզներով. Փաշինյան
14-05-2021 20:11:15 | Հայաստան | Քաղաքական
Այսօր բանակցությունները Սյունիքում ընդհատվել են, Ազգային ժողովի արտահերթ նիստում հայտարարեց վարչապետի պաշտոնակատար Նիկոլ Փաշինյանը։ Նա տեղեկացրեց, որ բանակցությունները կշարունակվեն վաղը՝ 15։00-ին:
«ՀԱՊԿ գործընկերների համար շատ կարևոր է պարզաբանումը, թե ի վերջո, տվյալ կորդինատներով տարածքը որ երկրին է պատկանում։ Այսօր բանակցություններին միացել է նաև ռուսական 102-րդ ռազմաբազայի ներկայացուցիչը՝ իրենց աշխատանքային քարտեզներով։ Շատ կարևոր արձանագրում է տեղի ունեցել, որ մեր քարտեզները և ռուսական ռազմաբազայում առկա քարտեզներն աներկբա են դարձնում սահմանային գծերի և կորդինատների վերաբերյալ մեր պնդումները», - ասաց Նիկոլ Փաշինյանը։
ՀԱՅԵՐԵՆ
Русский
English
Դաս. հայերեն
French
