Փաստորեն, Սյունիքի և Վարդենիսի այդ հատվածները ընդունում ենք, որ վիճարկելի են. Սուրեն Սարգսյանը՝ ԱԳՆ հայտարարության վերաբերյալ

15-05-2021 16:00:39 | Հայաստան | Մեկնաբանություն

Միջազգայնագետ Սուրեն Սարգսյանը ֆեյսբուքյան իր էջում մեջբերել է ԱԳՆ պաշտոնական արձագանքը՝ Հայաստանի սահմանամերձ մարզերում իրավիճակի վերաբերյալ միջազգային արձագանքի առնչությամբ, և նկատել.

«Ահա և ՀՀ ԱԳՆ պաշտոնական դիրքորոշումը «վիճելի տարածքներ» և «դեմարկացիոն հարցեր»-ի վերաբերյալ...

«Մենք ի գիտություն ենք ընդունում մեր միջազգային գործընկերների աձագանքը ՀՀ սահմանամերձ մարզերում տեղի ունեցող զարգացումների վերաբերյալ և կարևորում ենք Ադրբեջանի զինված ուժերը հետ քաշելու նրանց պահանջները»:

Մեր տարածքային ամբողջականության անքակտելիության վերաբերյալ ոչ մի խոսք: Փաստորեն, Սյունիքի և Վարդենիսի այդ հատվածները ընդունում ենք, որ վիճարկելի են:

1. Ամերիկյան կողմի չոր ու հստակ ձևակերպմանը չոր ու հստակ չեն պատասախանել:

2. Սա դիվանագիտական ձևակերպում չի, լղոզված անողնաշար հայտարարությունա:

3. Տարածքային ամբողջականությունը չեն կարողացել պաշտպանել ոչ բանակով, ոչ դիվանագիտությամբ:

4. Ոչ ոքին կոչ չի արվում հարգել ՀՀ տարածքային ամբողջականությունը»:

Նոյյան տապան - Մեկնաբանություն