«Հազար պայուսակ՝ հազար սոցիալապես անապահով ընտանիքների երեխաներին» 2021-2022 ուս.տարի
17-05-2021 15:32:00 | Հայաստան | Մամլո հաղորդագրություն
«Շիրակ կենտրոնը» վագոն-տնակներում բնակվող սոցիալապես անապահով ընտանիքներին և երեխաներին օգնություն ցուցաբերելու նպատակով հանդես է գալիս նոր՝«Հազար պայուսակ՝ հազար սոցիալապես անապահով ընտանիքների երեխաներին 2021-2022 ուս.տարի» և «Հիգիենիկ պարագաներ և սնունդ՝ ժամանակավոր կացարաններում բնակվող անօթևան ընտանիքներին» խորագիրը կրող բարեգործական ձեռնարկներով:
Ծրագրի շրջանակում, Գյումրու և Շիրակի մարզի գյուղերի անօթևան և սոցիալապես ծանր պայմաններում ապրող ընտանիքների երեխաներին բաժանվելու է պայուսակներ, գրենական պիտույքներ, հագուստ, հիգիենիկ պարագաներ և այլն, որպեսզի վերջիններս դրանց բացակայության պատճառով չզրկվեն դպրոց հաճախելու և պատշաճ կրթություն ստանալու հնարավորությունից:
«Շիրակ կենտրոնը» իր խորին երախտագիտությունն է հայտնում գործընկեր կազմակերպություններին և անհատ բարերարներին՝ այս կարևորագույն ձեռնարկին աջակցություն ցուցբերելու համար: Հանգանակված գումարներով ձեռք բերված իրերը կբաժանվեն տնակային ավաններում բարեգործական շրջայցերի, ինչպես նաև սոիալապես անապահով ընտանիքների երեխաների համար կազմակերպվելիք միջոցառումների ժամանակ: