Քարվաճառն ու Քաշաթաղն առանց կրակոցի հանձնելով՝ մենք բացեցինք Հայաստանի թիկունքը
17-05-2021 18:50:08 | Հայաստան | Քաղաքական
44-օրյա պատերազմում մեր պետությունը բաց թողեց շատ կարևոր ռազմավարական տարածքներ` կորցնելով Արցախի հարավը, Քարվաճառը և Քաշաթաղը հանձնելով Հայաստանը շատ ավելի բարդ իրավիճակում հայտնվեց: Այս մասին «Նոյյան Տապան»-ի «Փափուկ ուժ» հաղորդաշարիժամանակ նշեց միջազգայագետ-պատմաբան Դավիթ Եղիազարյանը:
Նա ընդգծեց, եթե դիտարկենք ռազմավարական տեսանկյունից, նույնիսկ Ստեփանակերտի անկումը այնքան ծանր չէր լինի, ինչքան Քարվաճառի և Քաշաթաղի անկումն էր, և այսօր մենք դրա շարունակությունը տեսնում ենք Սյունիքում, Գեղարքունիքւոմ և Վայոց Ձորում: Քարվաճառն ու Քաշաթաղը առանց կրակոցի հանձնելով, մենք բացեցինք Հայաստանի թիկունքը:
«Եթե շատերի համար Արցախը տարածք էր, որ պետք է հանձնվի, քանի որ միջազգայնորեն Ադրբեջան է և այլն, թեև գաղութատիրական պետությունների գծած սահմանները ոչ մեկի կողմից չեն ընդունվում, իսկ Խորհրդային միությունը գաղութատիկական կայսրություն էր, ըստ էության: Իսկ այն մարդիկ, ովքեր իրավիճակին լավ ծանոթ էին, հասկանում էին, որ Արցախը ստանալով Ադրբեջանը ոչ միայն չի խաղաղվելու, այլև ավելի է ոգևորվելու և արդեն Հայաստանի Հանրապետության տարածքի հանդեպ է ոտնձգություններ անելու»,- ասաց Դավիթ Եղիազարյանը:
Նա նաև նշեց, որ 1994 թվականից սկսած Արցախը որպես բեռ է ներկայացվել Հայաստանի 4 ղեկավարների կողմից էլ:
ՀԱՅԵՐԵՆ
Русский
English
Դաս. հայերեն
French
