«Կյանքը երբեմն զոհաբերվում է բարձր գաղափարի ՝ հայրենիքի համար». ԵՊԲՀ ուսանող

12-06-2021 16:56:14   | Հայաստան  |  Մեկնաբանություն



Երևանի պետական բժշկական համալսարանի ռեկտոր Արմեն Մուրդյանը ֆեյսբուքյան իր էջում գրում է
 
«Վարդան Վարդանյանը ապագա վիրաբույժ է, ԵՊԲՀ մասնագիտական և շարունակական կրթության կենտրոնի ընդհանուր վիրաբուժության ամբիոնի առաջին կուրսի կլինիկական օրդինատոր,  որը ևս պատերազմի ընթացքում  ընկերների հետ սպիտակ բանակի շարքում էր, ակտիվ մասնակցում եր վիրավորում ստացած մարտիկների տեղափոխման, բուժօգնության տրամադրման գործին: 
 
«Պատերազմի օրերին եղել եմ Արցախի մայրաքաղաք Ստեփանակերտում և Վարդենիսի զինվորական հոսպիտալում, այնտեղ
բժշկական թիմով վիրավոր զինվորներին ցուցաբերել ենք անհրաժեշտ օգնություն, իսկ ավելի ծանր վիճակում գտնվողներին տեղափոխել Երևան: Պատերազմի ժամանակ բժիշկը ևս զինվոր է, պետք է ճշգրիտ կատարի հրամանները,  լինի ավելի պատասխանատու, անձնազոհ և չվախենա անգամ մահից»,-նշում է Վարդանը:
 
Նրա խոսքով՝ պատերազմը սովորեցրեց լինել գերուշադիր բոլորի հանդեպ. «Կյանքը միակն է ու շատ թանկ, բայց երբեմն այն զոհաբերվում է բարձր գաղափարի համար ՝ հանուն հայրենիքի»:
 
Ընտրել է բժշկի մասնագիտությունը՝ ցանկանալով ավելի շատ օգտակար լինել մարդկանց ՝  պարգևելով նրանց առողջություն: Սիրում է ընտրած ոլորտը և մշտապես ձգտում է սովորել ավելին: 
 
«Բժշկի մասնագիտությունը պահանջում է մեծ պատասխանատվություն, անսահման հոգատարություն, խիզախություն և հոգեբանական մոտեցում: Բժշկին է վստահվում ամենաթանկը՝ մարդու կյանքն ու առողջությունը»,-ընդգծում է ապագա վիրաբույժը: 
 
Ջանք չխնայելով լավ մասնագետ դառնալու գործում նա ազատ ժամերին սիրում է կարդալ նեղ մասնագիտական գրականություն,  հետևել բժշկական նորարարություններին, ինչպես նաև կատարել հայկական ժողովրդական երգեր, որոնք ևս ապրեցնում են հետպատերազմյան դժվարին ժամանակներում»:
 
 
Նոյյան տապան   -   Մեկնաբանություն
Լուրեր Հայաստանից եւ Սփյուռքից


Կարդացել են 156 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար