Դասընթաց` ՀՀ քննչական կոմիտեում

11-06-2021 15:09:50   | Հայաստան  |  Մամլո հաղորդագրություն


 
ՀՀ քննչական կոմիտեի նախագահի թիվ 35-Լ հրամանով տրված հանձնարարականի համաձայն՝ հատկապես կարևոր գործերի քննության գլխավոր վարչության կողմից Կոմիտեի մարմինների և ստորաբաժանումների քննիչների համար կազմակերպվում են վերապատրաստման դասընթաց-սեմինարներ՝ կիբեռհանցագործությունների և բարձր տեխնոլոգիաների ոլորտում կատարված հանցագործությունների վերաբերյալ քրեական գործերով նախաքննության իրականացման, ինչպես նաև այլ քրեական գործերով համակարգչային համակարգերում և տարբեր ցանցերում ու տիրույթներում գտնվող
փաստական տվյալների (էլեկտրոնային ապացույցներ) ձեռքբերման հմտություններ ձևավորելու նպատակով: 
 
2021թ. հունիսի 10-ին Քննչական կոմիտեում անցկացվեց առաջին դասընթացը՝ «Կիբեռհիգիենա, կիբեռանվտանգություն» թեմայով, որը վարելու համար հրավիրվել էր կիբեռանվտանգության ապահովման ոլորտում գործունեություն ծավալող «ԿիբերՍեկ» ընկերության հիմնադիր տնօրեն Կարեն Գասպարյանը: 
 
Բացման խոսքով ելույթ ունեցավ հատկապես կարևոր գործերի կիբեռհանցագործությունների և բարձր տեխնոլոգիաների ոլորտում կատարված հանցագործությունների քննության վարչության պետ՝ Ռոբերտ Ադիլխանյանը: Վերջինս նշեց,  որ վերապատրաստումներն ուղղված կլինեն կիբեռհանցագործությունների քննության առանձնահատկությունների, բարձր տեխնոլոգիաների ոլորտում հմտությունների զարգացման, տեղեկատվության անվտանգության, համակարգչային համակարգերում առկա տեղեկատվության հետազոտմանը, էլեկտրոնային ապացույցների ձեռքբերման, ոլորտի միջազգային կարգավորումներին, չափանիշներին և առաջատար փորձին ծանոթանալու, ինչպես նաև հետաքրքրություն ու կարևորություն ներկայացնող այլ թեմաներով: 
 
Դասընթացները կլինեն շարունակական, որոնք կանցկացնեն վարչության մասնագիտացված քննիչները, ինչպես նաև նշված բնագավառի՝  հրավիրված մասնագետները, ինչը կնպաստի ոլորտին վերաբերող նոր գիտելիքների ձեռքբերմանն ու հմտությունների զարգացմանը:
 
ՀՀ քննչական կոմիտե
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 298 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար