8 միլիոն դրամանոց մատանի, «Range Rover Sport» ավտոմեքենա, 56 մլն դրամ, 95 հազար դոլար. Իշխան Սաղաթելյանի ունեցվածքը
11-06-2021 17:05:53 | Հայաստան | Ի՞նչ է գրում մամուլը
Հայկական ժամանակը գրում է. «Հայաստան» դաշինքի պատգամավորի թեկնածու Իշխան Սաղաթելյանը 10 անշարժ գույք ունի: Նրա՝ Կենտրոնական ընտրական հանձնաժողով ներկայացրած հայտարարագրից տեղեկանում ենք, որ Երեւանում ունի 2 բնակարան, իսկ Գեղարքունիքի Գեղամավան համայնքում՝ 8 հողամաս: Անշարժ գույքերից 9-ը համատեղ սեփականություն են:
Որպես շարժական գույք Սաղաթելյանը հայտարարագրել է 1 ավտոմեքենա՝ 2009 թվականի արտադրության «Range Rover Sport 5.0»: Նա ունի 8 մլն դրամանոց մատանի:
Վերջին 1 տարում «Հայաստան» դաշինքի 2-րդ համարը 791 հազար 704 դրամ եկամուտ է ստացել «Նավասար» ընկերությունից՝ որպես աշխատավարձ:
Հայտարարագիրը ներկայացնելու օրվա դրությամբ Սաղաթելյանն ունեցել է 56 մլն դրամ, 95 հազար դոլար եւ 28 հազար եվրո:
Նա «Ի-Մեգա Սերվիս» ՍՊԸ-ում 100 տոկոս բաժնեմաս ունի»:
ՀԱՅԵՐԵՆ
Русский
English
Դաս. հայերեն
French
