500 հազար դոլար, 200 հազար եվրո, 30 մլն դրամ. ինչ է հայտարարագրել «Հայաստան» դաշինքի թեկնածու Արթուր Ղազինյանը
11-06-2021 19:55:28 | Հայաստան | Ի՞նչ է գրում մամուլը
Հայկական ժամանակը գրում է. «Հայաստան» դաշինքի պատգամավորի թեկնածու Արթուր Ղազինյանը 500 հազար դոլար, 200 հազար եվրո եւ 30 մլն դրամ ունի: Այս մասին տեղեկանում ենք Կենտրոնական ընտրական հանձնաժողով ներկայացրած նրա հայտարարագրից:
Վերջինս «Հայաստան» դաշինքի 11-րդ համարն է: Նա 2 անշարժ գույք ունի՝ 1 տուն եւ 1 հողամաս Երեւանի Սեւքարեցի Սաքո փողոցում:
Իսկ որպես շարժական գույք Ղազինյանը հայտարարագրել է «Jaguar XJL 3.0» մակնիշի ավտոմեքենա՝ 2016 թվականի արտադրության:
Վերջին 1 տարում նա 22 մլն դրամ եկամուտ է ստացել որպես աշխատավարձ ԵՊՀ-ից: Ղազինյանը հանդիսանում է ԵՊՀ, Եվրոպական ուսումնասիրությունների կենտրոնի տնօրեն: