Նիկոլ Փաշինյանը փորձում է ճնշել խոսքի ազատությունն ու չեզոքացնել լրատվականներին. «Մեդիա պաշտպան»

11-06-2021 21:22:11   | Հայաստան  |  Մամլո հաղորդագրություն



«Մեդիա պաշտպան» նախաձեռնությունը հայտարարություն է տարածել վարչապետի պաշտոնակատար Նիկոլ Փաշինյանի՝ լրագրողների մասին արած հայտարարության վերաբերյալ։
 
Հիշեցնենք՝ Փաշինյանը հայտարարել էր, որ այսօր ՀՀ լրատվական դաշտը վերածվել է իսկական աղբանոցի։ «Այդ դաշտը կարգավորելու համար մենք պետք է լրագրողական հանրությանը քաջալերենք, օրենքով որոշակի մեխանիզմներ ստեղծենք, որ ստեղծվեն էթիկայի կանոններ՝ հենց լրագրողական համքարության կողմից»,-ասել էր նա։
 
Հայտարարությունը ներկայացնում
ենք ստորև․
 
«Նիկոլ Փաշինյանը քարոզարշավի ընթացքում բազմիցս աչքի է ընկել ատելության խոսքով և սպառնալիքներով։ Քաղաքական գործիչների նկատմամբ սպառնալիքներ հնչեցնելուց զատ Նիկոլ Փաշինյանը սպառնում և վիրավորում է նաև լրագրողներին և լրատվականներին:
 
«Այսօր Հայաստանի լրատվական դաշտը, կներեք արտահայտությանս, վերածվել է իսկական աղբանոցի»,- քարոզարշավի ընթացքում ասել է Նիկոլ Փաշինյանը։
 
«Մեդիա պաշտպան» նախաձեռնությունը դատապարտում է նման հայտարարությունը: Այս իշխանություններն ի դեմս ԱԺ փոխնախագահ Ալեն Սիմոնյանի փորձում էին օրենք ընդունել, որը կդատապարտեր ատելության խոսքը, բայց նույն Նիկոլ Փաշինյանի յուրաքանչյուր ելույթ իր մեջ սպառնալիք և ատելության խոսք է պարունակում։ Այս ամենն այնքան ցայտուն է, որ Նիկոլ Փաշինյանի ելույթները դատապարտել է անգամ Ամենայն Հայց Կաթողիկոս Գարեգին Երկրորդը։
 
Փաստացի, Նիկոլ Փաշինյանն անարգում է իր գործընկերներին, չի հարգում սեփական մասնագիտությունն ու փորձում է նման սպառնալիքներով ճնշել խոսքի ազատությունն ու չեզոքացնել լրատվականներին»։
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 97 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար