Ընտրակեղծիքների ու թալանի թեման քաղաքական ինդուստրիա է, ու ով ավելի հիստերիկ ու համոզիչ կերպով ճվճվա, նա էլ կտիրի երկրին. քաղաքագետ

12-06-2021 16:14:51   | Հայաստան  |  Մեկնաբանություն



Քաղաքագետ Ստեփան Դանիելյանն իր ֆեյսբուքյան է
ջում գրում է
. «Վերջին 25 տարում Հայաստանի քաղաքական դիսկուրսի առանցքն է եղել թալանի և ընտրակեղծիքների հարցն ու քաղաքական կյանքն այդ երկու գաղափարների վրա է ֆիքսված: Արդյունքում մենք տապալեցինք մեր պետությունն այդ կեղծ օրակարգի պատճառով: Իսկ հիմա ավելի կոնկրետ խոսենք:
 
Ընտրակեղծիքներն ու թալանը շատ վատ երևույթներ են ու դրանց դեմ պետք է պայքարել, կատարելագործելով իրավապահ համակարգը, սակայն հիմնական խնդիրը մեր արժեքային համակարգն է: Երբ հարյուր հազարավոր քաղաքացիներ ընտրակաշառք ենք վերցնում և մենք, ճնշող մեծամասնությունս, պատրաստ ենք մեր խնդիրները լուծել կաշառքի միջոցով, դա արդեն համընդահանուր արժեքային համակարգի խեղում է, այլ ոչ թե էլիտաների խնդիր: Ավելին, երբ կաշառքն ու անօրինականությունը դառնում են համընդհանուր, անարդար է անգամ պահանջել փողով հարցեր չլուծել, օրենք չշրջանցել,  որովհետև դա արդեն իսկ անարդար ու ոչ հավասար պայմաններ
է ստեղծում օրինապահների ու ոչ օրինապահների միջև: Եթե կան կաշառակերներ ու կոռուպցիոներներ, նշանակում է կա նաև զանգվածային առաջարկ, առաջարկն ու պահանջարկը միմյանց ծնող ու սնող, միմյանց հետ օրգանապես միահյուսցած ամբողջություն է ու պետք չի ձևեր թափել, որ բոլորն ազնիվ են, իսկ իշխանությունը - անազնիվ: Սա դաժան է, բայց իրականությունն այդպիսին է: 
 
Բոլոր երկրներն էլ դրանով անցել են ու դրա դեմ պայքարը պետք է հստակ քաղաքականություն լինի՝ նաև մշակութաբանական, բայց դա չի նշանակում, որ պետք է երկիրը քանդել:
 
Մի բան է ընտրակեղծիքներն ու կոռուպցիան, այլ բան է պետական շահը, որը հարատև է: Մենք հարատև շահերը զոհաբերում ենք հանուն ժամանակավոր խնդիրների:
 
Եվրոպայի ամենաօրինապահ երկրներից մեկի, Ավստրիայի, կոռուպցիայի դեմ պայքարող կազմակերպություններից մեկի ղեկավարն ինձ ասել է, որ աշխարհի ամենակոռումպացված երկիրն Ավստրիան է: Իհարկե, դա չափազանցություն էր, Լյուքսեմբերգում ու Շվեյցիարյում են Եվրոպայի գլոբոլ փողերը լվացվում, Լոնդոնի մասին համեստորեն լռում ենք: 
 
Ընտրություններն էլ մանիպուլացնելու մասին բազմաթիվ գիտական աշխատություններ են Արևմուտքում արարվում: Այլ բան է, որ  շարքային քաղաքացիների համար արժանապատիվ կյանք են ապահովել ու վերևներում գործող լվացքատունը  հասարակ քաղաքացիները չեն էլ նկատում:
 
Հիմա վերադառնանք Հայաստանին, նորից պետական կարևորագույն խնդիրների փոխարեն առաջին պլան է մղվել ոչ առաջնային օրակարգը, որտեղ էժանագին պոպուլիզմի վարպետները մրցակից չունեն ու չեն էլ ունենալու, մինչև մենք մեր օրակարգը չփոխենք: Թալանի ու ընտրակեղծիքների թեման մտավոր ծուղակ է, որը ով խաղարկում է, դրանով իշխանության հայտ է ներկայացնում, մանիպուլացնելով մտավոր ծուղակի մեջ գտնվողներին: Դրանքով խնդիրը չի լուծվում, սակայն մենք արդյունքում չենք կարողանում ազգային լուրջ խնդիրները քննարկել:
 
Նրանք խաղարկելու են այդ թեմաներն, հենվելու են ամենաանհաջողակ մարդկանց վրա (որոնք իրենց անհաջողությունների մեջ միայն ուրիշներին են մեղադրում), ու արդյունքում կշարունակեն ոչնչացնել ամեն ինչ ու քարը քարի վրա չեն թողնելու: Ընտրակեղծիքների ու թալանի թեման քաղաքական ինդուստրիա է ու ով ավելի հիստերիկ ու համոզիչ կերպով ճվճվա, նա էլ կտիրի երկրին ու կանի իր սև գործն, արանց որևէ բան արարելու:
 
Նոյյան տապան   -   Մեկնաբանություն
Լուրեր Հայաստանից եւ Սփյուռքից


Կարդացել են 91 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար