Ընտրություններից հետո որոշ թափթփուկ պաշտոնյաների վզներից ենք բռնելու, նրանց կտեսնեք ասֆալտին պառկած, Սյունիքում հայտարարել է Փաշինյանը
15-06-2021 19:10:22 | Հայաստան | Ի՞նչ է գրում մամուլը
Հայկական ժամանակը գրում է. ««Քաղաքացիական պայմանագիր» կուսակցության ներկայացուցիչները, որոնք այսօր միասնական ավտոերթով հասել են Սյունիք, երթ անցկացրին Ագարակի փողոցներում:
ՀՀ վարչապետի թեկնածու Նիկոլ Փաշինյանը երթի ընթացքում հայտարարեց, որ հաջորդ այցը մարզ լինելու է ընտրություններից հետո. «Մենք գալու ենք՝ որոշ տեղացի թափթփուկ պաշտոնյաների վզներից բռնելու»,- խոստացավ Նիկոլ Փաշինյանը՝ շեշտելով, որ ագարակցիները շուտով նրանց կարող են տեսնել իրենց գեղեցիկ ասֆալտների վրա պառկած:
Փաշինյանը խոստացավ նաեւ, որ ընտրություններից հետո անձամբ զբաղվելու է այն պաշտոնյաներով, որոնք փորձում են ժողովրդի կամքի վրա ապօրինի ազդեցություն ունենալ»:
ՀԱՅԵՐԵՆ
Русский
English
Դաս. հայերեն
French
