Էրդողանը հայտնել է Շուշիում Թուրքիայի հյուպատոսարան բացելու մտադրության մասին
15-06-2021 19:21:43 | Թուրքիա | Ի՞նչ է գրում մամուլը
Թուրքիայի նախագահ Ռեջեփ Թայիփ Էրդողանը հայտարարել է Շուշիում հյուպատոսարան բացելու մտադրության մասին: Ինչպես հաղորդում է «Արմենպրես»-ը, այս մասին հայտնում է թուրքական «Անադոլու» գործակալությունը:
Թուրքիայի նախագահը Բաքու է ժամանել հունիսի 14-ին, իսկ հունիսի 15-ին Ադրբեջանի նախագահ Իլհամ Ալիևի հետ այցելել է ադրբեջանական կողմից օկուպացված Շուշի, որտեղ ստորագրվել է երկկողմ համագործակցության մասին հռչակագիր:
Ստորագրումից հետո երկու երկրների ղեկավարները մամուլի ասուլիս են հրավիրել, որտեղ էլ Թուրքիայի նախագահը հայտարարել է իրենց մտադրության մասին: «Մենք մտադիր ենք մոտ ժամանակներս Շուշիում բացել հյուպատոսարան»,- նշել է Էրդողանը:
ՀԱՅԵՐԵՆ
Русский
English
Դաս. հայերեն
French
