Շուշիի հռչակագիրը հենվում է Կարսի պայմանագրի վրա. Ալիեւ

15-06-2021 19:52:25   | Ադրբեջան  |  Ի՞նչ է գրում մամուլը



Շուշիում Ալիեւը եւ Էրդողանը ստորագրել են երկու երկրների միջեւ համագործակցությունն ամենաբարձր մակարդակի հասցնելու վերաբերյալ «Շուշիի հռչակագիրը»: Հանդիպումից հետո Ալիեւը հայտարարել է, որ «Զանգեզուրի միջանցքի» վերաբերյալ դրույթներն արձանագրված են հռչակագրում, եւ դրա ուղղությամբ գործնական քայլեր են արվելու, հայտնում է Lragir.am-ը: 
 
«Հռչակագիրը հենվում է Կարսի պատմական
պայմանագրի վրա»,- ասել է Ալիեւը:
 
Հիշեցնենք, որ խոսքը Կարսի 1921 թ. ռուս-թուրքական պայմանագրի մասին է, որով Հայաստանի տարածքների զգալի մասը նվիրաբերվել են Թուրքիային ու Բաքվին՝ Կարս-Արդահանը, Սուրմալու-Արարատի շրջանը եւ Նախիջեւանը:
 
Իր հերթին, Էրդողանն ասել է, որ Շուշիի հռչակագրով ներկայացրել են համագործակցության ճանապարհային քարտեզը: Էրդողանն ասել է նաեւ, որ Թուրքիան պլանավորում է Շուշիում բացել գլխավոր հյուպատոսություն:
 
Էրդողանն ասել է, որ պաշտպանական ոլորտում երկու երկրների կապերը տրանսֆորմացվելու են նոր հարաբերությունների: Հիշեցնելով թուրքական անօդաչուների եւ այլ ռազմական տեխնիկայի դերը Ղարաբաղի պատերազմում, Էրդողանն ասել է, որ Ադրբեջանը կարող է արտադրել այն, եւ չլինել միայն սպառման շուկա: Խոսվել է նաեւ տնտեսական սերտ հարաբերությունների մասին:
 
 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից


Կարդացել են 512 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար