2020-ի օգոստոսին Գլխավոր շտաբը մեզ զեկուցել է, որ արևելյան օպերացիոն ուղղությամբ մեր ԶՈւ-երը պատրաստ են «ոչ միայն քայլ ետ» տրամաբանությամբ կանգնեցնել և ջախջախել հակառակորդին․ Նիկոլ Փաշինյան

18-06-2021 10:07:02   | Հայաստան  |  Ի՞նչ է գրում մամուլը



 
Իրավաբան.net. «Հանրային» հեռուստաընկերության եթերում շարունակվում է «Հայաստանն ընտրում է» նախընտրական չորրորդ մեծ բանավեճը։
 
«Քաղաքացիական պայմանագիր» կուսակցության ղեկավար Նիկոլ Փաշինյանը հայտնեց, որ արցախյան 2-րդ պատերազմը կանգնեցնելու նախաձեռնություն է եղել և եռակողմ հայտարարություն է ստորագրվել 2020-ի հոկտեմբերի 10-ին, սակայն Ադրբեջանը դրան չի հետևել, որովհետև Թուրքան հայտարարել է, որ կարծում է՝ Ադրբեջանը չպետք է կանգնեցնի ռազմական գործողությունները։
 
«ԱԺ ամբիոնից
ես ասել եմ, որ պատերազմը կարող ենք կանգնեցնել, բայց պայմանները հետևյալն են․ Ղարաբաղը թողնել Ադրբեջանի կազմում, նախկին ԼՂԻՄ-ի նման ինչ-որ կարգավիճակում։ 2020-ի օգոստոսին Գլխավոր շտաբը մեզ զեկուցել է, որ արևելյան օպերացիոն ուղղությամբ մեր ԶՈւ-երը պատրաստ են «ոչ միայն քայլ ետ» տրամաբանությամբ կանգնեցնել և ջախջախել հակառակորդին»,-նշեց Փաշինյանը ու հավելեց, որ այդ զեկույցը կա։
 
Կարին Տոնոյանը հայտարարեց, որ պատերազմի առաջին օրը պարտության մասին խոսք է հնչել․ «Արդեն պայմանավորվածություն կար, որ մենք գնալու ենք պարտության։․․․Եթե հաղթական ելքը անհնար էր, հրաժարական տայիք»։
 
Նիկոլ Փաշինյանը հայտնեց, որ սա հանցագործության մասին հաղորդում է։
 
«Այստեղ ասվում է, որ պարտության մասին պայմանավորվածություն է եղել։ Եթե մտածում եք, որ պայմանավորվածություն է եղել, ուրեմն այդ պայմանավորվածներին փնտրեք նրանց մեջ, որոնց հետ Դուք նույն ամբիոնին կանգնած էիք, որոնք զանգում էին գեներալներին ու ասում՝ մի կռվեք, եկեք Երևան»։
 
 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից


Կարդացել են 232 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար