Այս ընտրությունները միտված են հանգուցալուծելու լարված ներքաղաքական իրավիճակը. Արարատ Միրզոյանը՝ Իտալիայի Սենատի փոխնախագահին

19-06-2021 19:33:08   | Հայաստան  |  Մամլո հաղորդագրություն



ՀՀ Ազգային ժողովի նախագահ Արարատ Միրզոյանն ընդունեց Իտալիայի Սենատի փոխնախագահ Պաոլա Տավերնային: 
 
Ինչպես հայտնում են ՀՀ Ազգային ժողովից, ողջունելով հյուրին՝ Արարատ Միրզոյանը շնորհակալություն հայտնեց Տավերնային դիտորդական առաքելություն իրականացնելու համար Հայաստան ժամանելու կապակցությամբ եւ հիշեց, որ վերջինս դիտարկել է նաեւ 2018 թվականի դեկտեմբերի արտահերթ խորհրդարանական ընտրությունները:
Ազգային ժողովի նախագահը հավելեց, որ այս ընտրությունները միտված են հանգուցալուծելու նախորդ տարվա նոյեմբերի 9-ի եռակողմ հայտարարությանը հետեւած լարված ներքաղաքական իրավիճակը:
 
Շնորհակալություն հայտնելով ընդունելության համար՝ Իտալիայի Սենատի փոխխոսնակը հույս հայտնեց, որ քաղաքացիները կկատարեն իրենց ընտրությունը, ինչի արդյունքում երկրում կայունության նոր փուլ կսկսվի:
Կողմերը քննարկեցին Լեռնային Ղարաբաղի շուրջ ստեղծված իրավիճակին, հայ ռազմագերիների եւ այլ պահվող անձանց վերադարձի կարեւորությանը եւ այդ հարցում միջազգային գործընկերների մասնակցությանը, Ադրբեջանի կողմից Հայաստանի Հանրապետության տարածքի նկատմամբ իրականացված ոտնձգությանը, ԵԱՀԿ Մինսկի խմբի համանախագահության հովանու ներքո խաղաղ բանակցությունների վերսկսմանը վերաբերող հարցեր: Իտալական կողմը Լեռնային Ղարաբաղում հայկական մշակութային ժառանգության պահպանման աշխատանքներում ներգրավվելու պատրաստակամություն հայտնեց:
 
Հանդիպման ավարտին երկուստեք գոհունակությամբ արձանագրվեց հայ-իտալական բարեկամական հարաբերությունների բարձր մակարդակը:
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 94 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար