ՀՀ-ում այլևս փակված է ժողովրդին վախեցնելով վերարտադրվելու պրոցեսը. Պապիկյան
21-06-2021 21:06:42 | Հայաստան | Ի՞նչ է գրում մամուլը
Հանրապետության հրապարակում մեկնարկել է Նիկոլ Փաշինյանի հրավիրած հանրահավաքը, հայտնում է Հայկական ժամանակը:
Նախ երկրի օրհներգը հնչեց, այնուհետ մեկ րոպե լռությամբ ներկաները հարգեցին 44-օրյա պատերազմում նահատակված հայորդիների հիշատակը:
«Երեկ ՀՀ քաղաքացին կատարեց պատմական առաքելությունը, երեկ մենք վերահաստատեցինք, որ իշխանությունը Հայաստանում պատկանում է ժողովրդին, որ ժողովուրդն է որոշում ու տնօրինում իր ու երկրի ճակատագիրը:
ՀՀ-ում այլևս փակված է արատավոր երևույթների, ժողովրդին ստրկացնելու, կաշառելու, վախեցնելու մեթոդով վերարտադրվելու պրոցեսը»,-ելույթի իր խոսքն այսպես սկսեց Սուրեն Պապիկյանը:
«Երեկ մենք միասին վերահաստատեցինք 2018 թվականի հեղափոխությամբ բերված արժեքները: Երեկ մենք ցույց տվեցինք, որ չնայած մեր ունեցած խնդիրներին, մեր վերքերին, մենք ամուր ենք կանգանծ մեր ոտքերի վրա և պատրաստ ենք շտկել մեր ողնաշարը:
Ու սա ի լուր բոլորի է: Ի լուր աշխարհի, բոլոր կասկածողների, բոլոր նրանց, որոնք այլ հույսեր էին փայփայում: Դուք երեկ բոլորի ծրագրերն ուղարկեցիք դեպի անցյալ, դեպի գրողի ծոցը: Եվ մենք միասին ազդարարեցինք, որ Հայաստանում ապագա կա: Երախտապարտ եմ ձեզ իրավատեր քաղաքացի լինելու համար»,- հավաքվածներին դիմեվ Պապիկյանը:
ՀԱՅԵՐԵՆ
Русский
English
Դաս. հայերեն
French
