«Ազատ հայրենիք» դաշինքը չի ճանաչում ԱԺ ընտրությունների արդյունքը
22-06-2021 11:52:09 | Հայաստան | Ի՞նչ է գրում մամուլը
Հայկական ժամանակ. «Ազատ հայրենիք» դաշինքը հայտարարություն է տարածել, որում ասվում է, որ դաշինքը չի ճանաչում ընտրությունների արդյունքը։
Հայտարարությունը՝ ստորև․
«Ազատ հայրենիք» դաշինքը չի ճանաչում ընտրությունների արդյունքը։ Մենք միավորեցինք մեր կուսակցությունների ուժերը՝ նպատակ ունենալով «խորհրդարանական արտահերթ ընտրություններ» կոչվող միջոցառումը օգտագործել՝ ազգօգուտ գործունեություն ծավալելու՝ երկրում վիճակը արմատապես բարեփոխելու համար։ Սակայն հունիսի 20-ի քվեարկությունը ևս մեկ անգամ ապացուցեց, որ գործող Սահմանադրությամբ և դրանից բխող հակաիրավական ընտրական օրենսգրքով, սպառնալիքներով և բարոյահոգեբանական ճնշումներով ուղեկցվող մթնոլորտում հնարավոր չէ իրականացնել ժողովրդավարական ընտրություններ»։
Նշենք, որ «Ազատ հայրենիք» դաշինքին այս ընտրություններում չի հաջողվել հաղթահարել 1 տոկոսի շեմը:
ՀԱՅԵՐԵՆ
Русский
English
Դաս. հայերեն
French
