Կոնգրեսական Ֆրանկ Փալոնը պետդեպի ու պաշտպանության նախարարության պաշտոնյաների հետ քննարկել է հայ ռազմագերիներին ազատ արձակելու հարցը
03-07-2021 16:57:55 | ԱՄՆ | Մեկնաբանություն
ԱՄՆ Կոնգրեսի Ներկայացուցիչների պալատի անդամ Ֆրանկ Փալոնը իր թվիթերյան միկրոբլոգում հայտնել է, որ ԱՄՆ պետդեպարտամենտի և պաշտպանության նախարարության պաշտոնյաների հետ քննարկել է Ադրբեջանում ապօրինաբար պահվող հայ ռազմագերիների հարցը:
«Արդյունավետ հեռախոսազրույց եմ ունեցել պետդեպարտամենտի և պաշտպանության նախարարության պաշտոնյաների հետ՝ քննարկելու ԱՄՆ-Հայաստան հարաբերություններն ամրապնդելու ուղիները: Մենք նաև խոսեցինք այն կարևոր դերակատարության մասին, որն ԱՄՆ-ն պետք է ստանձնի Ադրբեջանում կալանքի տակ պահվող հայ ռազմագերիներին ազատ արձակելու և սահմանային շարունակվող ճգնաժամի հարցերում»,- գրառման մեջ նշել է նա:
ՀԱՅԵՐԵՆ
Русский
English
Դաս. հայերեն
French
