ՅՈՒՆԵՍԿՕ-ի հանձնաժողովը կոչ է արել Թուրքիային հաշվետվություն ներկայացնել Այա Սոֆիայի մզկիթի պահպանության մասին
24-07-2021 11:37:51 | Հայաստան | Ի՞նչ է գրում մամուլը
Shantnews.am. ՅՈՒՆԵՍԿՕ-ի Համաշխարհային ժառանգության կոմիտեն ուրբաթ Թուրքիայից պահանջել է հաջորդ տարի հաշվետվություն ներկայացնել Ստամբուլի Այա Սոֆիայի մզկիթի պահպանության գործողությունների վերաբերյալ, հաղորդում է «Ֆրանս Պրես» գործակալությունը:
Նոր զեկույցը Թուրքիայի կողմից պետք է ներկայացվի 2022 թվականի փետրվարի 1-ին։
Նշվում է նաև, որ գերատեսչությունը կրկին խոր մտահոգություն է հայտնել անցյալ տարի Այա Սոֆիայի մզկիթի վերափոխման և դրա հետևանքների կապակցությամբ:
Սուրբ Սոֆիան շուրջ հազար տարի քրիստոնյա աշխարհի ամենամեծ տաճարն էր համարվում: 1934 թվականին Թուրքիայի նախագահ Քեմալ Աթաթուրքը տաճարին տվել էր թանգարանի կարգավիճակ: Այն ներառվել էր ՅՈՒՆԵՍԿՕ-ի համաշխարհային ժառանգության ցանկում: Սակայն 2020 թվականի հուլիսին Թուրքիայի իշխանությունները չեղյալ էին համարել 1934 թվականի որոշումը, Թուրքիայի նախագահ Ռեջեփ Թայիփ Էրդողանը ստորագրել էր հրամանագիր տաճարը մզկիթի վերածելու մասին, ինչից հետո հուլիսի 24-ին Այա Սոֆիայում իրականացվել էր առաջին նամազը:
ՀԱՅԵՐԵՆ
Русский
English
Դաս. հայերեն
French
