Վրաստանն այլևս չի կարող դիմակայել նոր սահմանափակումներին. Ղարիբաշվիլի
26-07-2021 16:11:48 | Վրաստան | Ի՞նչ է գրում մամուլը
Վրաստանի վարչապետ Իրակլի Ղարիբաշվիլին խոսել է երկրում ստեղծված համաճարակային իրավիճակի մասին և հայտարարել, որ Վրաստանն այլևս չի կարող դիմակայել նոր սահմանափակումներին և արգելքներին, հայտնում է Aliq.ge-ն:
Վարչապետն ընդգծել է` ստեղծված իրավիճակից ելնելով երկիրը փակել և «լոքդաուն» հայտարարել չի նախատեսվում: Ըստ Ղարիբաշվիլիի` նրանք ընտրել են մեկ այլ տարբերակ՝ համաճարակի կառավարում: Վարչապետի խոսքով՝ սահմանափակումներն արդարացված չեն լինի, քանի որ դրանք կվնասեն երկրի տնտեսությանը:
«Մեր երկիրը չի կարողանա դիմակայել նոր սահմանափակումներին, ավելին՝ դա կվնասի մեր երկրի տնտեսությանը, ինչը կհանգեցնի լրացուցիչ միլիարդավոր դոլարների պարտք վերցնելուն, որը վճարելու են մեր քաղաքացիները: Ուստի, սիրելի ընկերներ և քաղաքացիներ, որպեսզի այս ամենը չկրկնվի, խնդրում եմ որ բոլորդ պատվաստվեք», — ասել է Ղարիբաշվիլին:
ՀԱՅԵՐԵՆ
Русский
English
Դաս. հայերեն
French
