Գերեվարված մաճկալաշենցին վերադարձվել է հայկական կողմին. Factor.am
26-07-2021 19:29:25 | Հայաստան | Ի՞նչ է գրում մամուլը
Factor.am-ը գրում է. «Այսօր՝ հուլիսի 26-ին Արցախի Մարդու իրավունքների պաշտպանի աշխատակազմ ահանզանգ էր ստացել այն մասին, որ Մարտունու շրջանի Մաճկալաշեն համայնքի բնակիչներից մեկը հայտնվել է ադրբեջանական կողմում և գերեվարվել։ Փաստերի հավաքագրման արդյունքում պարզվել էր, որ գերեվարվածը Մաճկալաշեն համայնքի 1989-ի ծնված բնակիչ է։
Տղամարդը զբաղվում է անասնապահությամբ և կորած անասունների որոնման ընթացքում հայտնվել էր ադրբեջանական զինված ուժերի վերահսկողության տակ գտնվող տարածքում։ Նրա մայրը՝ Հասմիկ Մանասյանը, Factor.am-ի հետ զրույցում պատմեց, թե ինչպես է դեպքը տեղի ունեցել․ «Միշտ 8։30 գալիս էր տուն, որ ուշացավ ամուսնուս ուղարկեցի, մինչ ամուսինս կհասներ, գյուղապետը զանգել էր, ասել՝ կովերը գնացել են ինքն էլ հետևից, ամուսինս տեսել է ինչպես են տղայիս տանում, ինքը ետ է եկել, որ իրեն էլ չբռնեն տանեն»։ Տիկին Հասմիկը հայտնեց նաև, որ Արտակին ետ են վերադարձրել ռուս խաղաղապահների միջնորդությամբ: «Արդեն ռուսները բերել են, բայց դեռ տանը չէ, տարել են ստուգեն տեսնեն ամեն ինչ կարգին է, թե ոչ»,- ասաց նա։
ՀԱՅԵՐԵՆ
Русский
English
Դաս. հայերեն
French
