Ծանրամարտիկ Իզաբելլա Յայլյանը 7-րդն էր Օլիմպիական խաղերում
27-07-2021 16:18:35 | Հայաստան | Սպորտ
Տոկիոյում ընթացող օլիմպիական խաղերում այսօր մեր մարզիկներից առաջինը մրցելույթ ունեցավ Իզաբելլա Յայլյանը / 59 կգ /: Այս մասին տեղեկանում ենք Հայաստանի Ազգային օլիմպիական կոմիտեից:
Երկամարտում նա ցույց տվեց 205 կգ / 95 կգ +110 կգ / և զբաղեցրեց 7-րդ տեղը:
Առաջին եռյակում տեղ գտան հաջորդաբար Սին Չուն Կուոն / Չինաստանի Տայպեյ /, Պոլինա Գուրևան / Թուրքմենիա/ և Միկիկո Անդոհը / Ճապոնիա /:
Հայաստանի ծանրամարտի երկրորդ պատվիրակ, օլիմպիական փոխչեմպիոն, աշխարհի ու Եվրոպայի կրկնակի ոսկե դափնեկիր Սիմոն Մարտիրոսյանը մրցահարթակ կելնի օգոստոսի 3-ին: