Դեռ հարց է՝ ով ում պետք է փոխհատուցի

Դեռ հարց է՝ ով ում պետք է փոխհատուցի

  • 28-07-2021 10:24:30   | Հայաստան  |  Ի՞նչ է գրում մամուլը

 
«Հայաստանի Հանրապետություն» օրաթերթ. Թշնամու՝ իր ներքին կամ արտաքին լսարանի համար մեր ուղղությամբ նետված ոչ մի արտահայտություն մեր ականջի կողքով չպետք է բաց թողնենք։ Առավելեւս՝ թուրք-ադրբեջանական տանդեմի քայլերին չպետք է «արկածախնդրություն» բառը վերագրենք, որովհետեւ նախ այդ բնորոշումը բառացիորեն թուլացնում է մեր զգոնությունը, եւ հետո՝ կյանքը ցույց է տալիս, որ այդ իբր արկածախնդրությունը իրականում ճիշտ հաշվարկված քայլեր են։ Տառացիորեն՝ ագրեսիա եւ ահաբեկչություն բոլոր ոլորտներում՝ մշակութայինից սկսած մինչեւ քաղաքականություն։ Տնտեսական շեշտադրությամբ ահաբեկչական քայլերին «ՀՀ»-ն մշտապես անդրադառնում է։ Թշնամին կարեւորագույն ոլորտներ է ընտրել դրա համար՝ ջրային, ենթակառուցվածքների, հանքարդյունաբերության։ Վերջինիս մասով Ադրբեջանի նախագահ Ի. Ալիեւը ամենատարբեր հայտարարություններ է անում։ «minval.az»-ը վերջերս տպագրել էր Ալիեւի՝ «AzTv»-ին տված հարցազրույցը, որում Ալիեւը նշում է, թե փոխհատուցում է պահանջում «ազատագրված տարածքներում ոսկի արդյունահանած ընկերություններից»։
 
Խոսքը մեր հայրենիքի մի հատվածի՝ Արցախի այն տարածքների մասին է, որոնք հիմա ադրբեջանական վերահսկողության ներքո են։ 
 
Փոխհատուցում էլ պետք է տան այն ընկերությունները, որ աշխատել են Կովսականում եւ Քարվաճառում։ «Այդ ընկերությունները երկու տարբերակ ունեն. կամ նրանք մեզ կփոխհատուցեն, կամ մենք հարցը կլուծենք իրավական հարթությունում։ Ես ուզում եմ ասել, որ նրանք պետք է կամավոր վերականգնեն վնասը եւ միայն այդ դեպքում կարող են հանգիստ ապրել։ Այլապես այդ ընկերությունների գործարար համբավը ծանր հարված կստանա»,-ասել էր Ալիեւը՝ միաժամանակ հավելելով, թե հրավիրել են միջազգային խորհրդատուների։ Սրա պատասխանը չտրվեց հայկական կողմից։ Բայց զուգահեռ յուրօրինակ պատասխան եղավ (հենց Ալիեւի ասածի նույն օրը) ՀՀ մարդու իրավունքների պաշտպան Արման Թաթոյանի հրապարակած ընդամենը երկու փաստաթուղթ, որոնք հստակ ապացուցում են, որ ադրբեջանական իշխանությունները պետք է պատասխանատվության ենթարկվեն՝ հատուցելով մեր գյուղացիներին պատճառած վնասները։
 
Ա. Թաթոյանի հրապարակած փաստաթղթերից մեկը Կապանի Դավիթ Բեկ գյուղի բնակչի ոչնչացած այգու վնասների հաշվարկն է, իսկ մյուսը Վարդենիսի բնակչի գյուղատնտեսական նպատակով հողամասի վարձակալության պայմանագիրն է, բայց որի հնարավորությունից նա այլեւս զրկված է: «Փաստաթղթերն օրինակ են, որ ապացուցում են. Սյունիքի եւ Գեղարքունիքի մարզերի այս բնակիչների սեփականության, սոցիալական ապահովության եւ մյուս օրինական իրավունքները խախտված են ադրբեջանական զինված ուժերի անօրինական ներկայության պատճառով:
 
Ադրբեջանական իշխանությունները պետք է պատասխանատվության ենթարկվեն ու հատուցեն մեր բոլոր գյուղացիներին պատճառած վնասները: Պետք է հատուցեն նրա համար, որ անվտանգության լրջագույն վտանգներից բացի, խաթարել են մարդկանց բնականոն ու խաղաղ կյանքը, նրանց զրկել են ընտանիքի եկամուտը վաստակելու հնարավորությունից»,- նշել էր ՄԻՊ-ը՝ հավելելով, թե այս փաստերը եւս մեկ անգամ ապացուցում են, որ սահմանային հարցերը չեն կարող դիտարկվել սահմանային բնակիչների իրավունքներից կտրված: Ավելին, դարձյալ ՄԻՊ-ի խոսքերով, այս հարցերում ինչ քաղաքական մեխանիզմ էլ ուզում է լինի, չի կարող հաջողություն ունենալ, եթե հաշվի չառնի մարդու իրավունքները: Մենք պետք է օգտագործենք բոլոր հնարավորությունները, պետք է առանց վհատվելու ու հետեւողական քայլերով հասնենք խախտված իրավունքների վերականգնմանը: «Անպատժելիությունն առավել ծանր խախտումների կրկնության վտանգը դարձնում է իրական»,- եզրափակում է Ա. Թաթոյանը: Սա ընդամենը մեկ օրինակ էր։
 
Մենք ամեն օր կարող ենք հաշվարկել վնասները՝ առանձին-առանձին, ի մի բերել նաեւ այդ վնասների հետեւանքով կորուստները՝ բերքի, եկամուտների։ Մենք պետք է միջազգային հարթակներում աշխատենք բոլոր ուղղություններով՝ այբ-ֆե՝ տարածքների հայապատկանությունից սկսած մինչեւ կյանքի իրավունք։ Եվ ցույց տանք, թե ինչպես է այդ իրավունքը խախտվում թշնամու կողմից ամեն օր։ 44-օրյա պատերազմից հետո թուլացած քաղաքացին շատ արագ ոտքի կկանգնի, եթե տեսնի թշնամու հանդեպ հակազդեցությունը։ Ազգի համար հոգու թուլությունը մեկ այլ պատերազմ է՝ դարձյալ վտանգավոր հետեւանքներով։ Ինչից էլ օգտվում է թշնամին։ Իսկ մենք պարտավոր ենք սա թույլ չտալ՝ չանտեսելով ոչ մի հարց, այո, հենց թեկուզ գյուղացիներին պատճառած վնասները։ Այս աշխատանքի մեջ կարեւոր է ամեն քայլ, եւ այդ ամենի հանրագումարը կարող է լրջորեն հակազդել թշնամուն։
 
 
 
 
 
 
 

Բաժանորդագրվեք Noyan Tapan TV ալիքին եւ դիտեք մեր բոլոր հաղորդումները հետեւյալ խորագրերում՝  

Քննարկում

Հրատապ Հարցեր 

«Հասկանանք»՝ հաղորդաշար Հովսեփ Խուրշուդյանի հետ

«Փափուկուժ» հաղորդաշար՝ Մարիամ Ավագյանի հետ

Ականատեսի աչքերով

Ազատ խոսափող

Прямым текстом

Ноян Тапан на русском

Գիտական Հայաստան

Իրավունք․Օրենք․Հասարակություն

HyeID Հայ ինքնության քարտ

Լինենք առողջ

Զարգացման ծրագրեր Հայաստանի համար

Բաժանորդագրվեք մեզ/ Подписывайтесь 

Youtube-  Նոյյան Տապան հիմնական

Youtube - Նոյյան Տապան ուղիղ եթեր

Facebook - Նոյյան Տապանի ֆեյսբուքյան էջ

Facebook - Նոյյան Տապան խումբ

Twitter - Նոյյան Տապան Թվիթերյան էջ

Telegram - Նոյյան Տապան Տելեգրամ ալիքում  

#noyantapantv #Նոյյանտապան #ноянтапантв #Արցախ #Арцах #карабах #լուրեր  #լուր#lur#lurer#азербайджан_армения #НоянТапан #Armenia #Armenianews #Հայաստան #ՆիկոլՓաշինյան #Армения #НиколПашинян #նոյանտապան #karabakh #Нагорный_Карабах #нагорныйкарабахBottom of Form

Գովազդի հարցերով գրեք՝ [email protected]

Նոյյան Տապանի առավոտյան հաղորդումը ուղիղ հեռարձակվում է Երևանի ժամանակով ժամը՝ 10:00-11:00-ը:  

Հաղորդման ուղիղ հեռարձակման ընթացքում կարելի է զանգահարել եւ հարցեր ուղղել բանախոսներին ամերիկյան 818 967 53 21 եւ հայաստանյան +374 60 35 11 31 հեռ/համարներով և Wiber, WhatsApp  +374 55 50 90 75 համարով:

Սիրելի հեռուստադիտողներ։ Դուք այժմ կարող եք հովանավորել մեզ՝ պարզապես մտնելով մեր ալիքի  Հովանավորություն բաժինը:

Սիրելի հայրենակիցներ, մենք շատ ուրախ ենք տեսնել ձեր գրառումները եւ քննարկումները, սակայն հայհոյանքները ջնջվելու են, իսկ գռեհիկ գրառումներ անողները արգելափակվելու են։

«Նոյյան Տապան» լրատվական կենտրոն («ՆՏ Հոլդինգ») 

 Հայաստան, Երեւան, 0009, Իսահակյան28 

 Հեռ․+374 60 351122, +374 60351123, +1 818 967 5677  

էլ․փոստ` [email protected]

 Կայք՝ www.nt.am

 

 

Նոյյան տապան   -   Ի՞նչ է գրում մամուլը