Կառավարության որոշմամբ՝ Պետական կամերային երաժշտական թատրոնը միացվեց Հակոբ Պարոնյան թատրոնին
08-09-2021 20:58:26 | Հայաստան | Ի՞նչ է գրում մամուլը
armtimes.com ՀՀ կառավարության որոշմամբ՝ Պետական կամերային երաժշտական թատրոնը միացվել է Հակոբ Պարոնյանի անվան երաժշտական կոմեդիայի պետական թատրոնին: Այս որոշումն ընդունվել է ՀՀ կառավարության այսօրվա նիստում: Հարցը ներառված է եղել չզեկուցվող հարցերի թվում:
Որոշման համաձայն՝ Կամերային երաժշտական թատրոնի շենքը կտրամադրվի Հայաստանի պետական սիմֆոնիկ նվագախմբին:
Հիշեցնենք՝ ՀՀ կրթության, գիտության, մշակույթի եւ սպորտի նախարարությունը մշակում էր նախագիծ, ըստ որի՝ նախատեսվում է Պետական կամերային երաժշտական թատրոնը միավորել Հակոբ Պարոնյանի անվան երաժշտական կոմեդիայի պետական թատրոնին: Ըստ այդ ծրագրի՝ Կամերայինի շենքն էլ տրամադրվելու է Հայաստանի սիմֆոնիկ նվագախմբին՝ այդպիսով լուծելով այդ երաժշտական կոլեկտիվի շենքի հարցը:
Նախագծին դեմ են ոչ միայն Կամերային թատրոնի անձնակազմը, այլեւ Պարոնյան թատրոնի ղեկավարությունը. միավորումը երկուսն էլ անիրատեսական են համարում:
ՀԱՅԵՐԵՆ
Русский
English
Դաս. հայերեն
French
