ՔՊ-ն Արտակ Մանուկյանին կառաջադրի որպես Կենտրոնական բանկի խորհրդի անդամի թեկնածու
11-09-2021 18:00:18 | Հայաստան | Ի՞նչ է գրում մամուլը
«Քաղաքացիական պայմանագիր» խմբակցությունը Արտակ Մանուկյանի թեկնածությունը կառաջադրի որպես ԿԲ խորհրդի անդամ։ Տեղեկությունը «Հայկական ժամանակ»-ի հետ զրույցում հաստատել է Արտակ Մանուկյանը։
«Ես հանդիպել եմ խմբակցության հետ, ի թիվս այլ հարցերի քննարկվել է նաև առաջադրման հնարավորությունը։ Եվ ես հայտնել եմ իմ պատրաստակամությունը: Եթե իմ թեկնածությունը ՔՊ-ն հարկ համարի առաջադրել, ըստ էության, ինչպես մի փուլ, տեղի է ունենում Ֆինանսավարկային և բյուջետային հարցերի հանձնաժողովում, այնպես էլ լիագումար նիստերի դահլիճում: Ես կարծում եմ, որ երկուսն էլ հնարավորություն են, որ, եթե իմ թեկնածությունը ներկայացվի, ներկայացնեմ նաև իմ նախնական պատկերացումները»,- ասաց Արտակ Մանուկյանը։