Դավիթ Բաբայանը ՌԴ աշխատանքային այցի շրջանակում անդրադարձել է տարածաշրջանում ստեղծված իրավիճակին
15-10-2021 18:38:43 | Արցախ (ԼՂՀ) | Մամլո հաղորդագրություն
Հոկտեմբերի 6-15-ը Արցախի Հանրապետության արտաքին գործերի նախարար Դավիթ Բաբայանն աշխատանքային այցով գտնվում էր Ռուսաստանի Դաշնությունում:
Դավիթ Բաբայանը ՌԴ աշխատանքային այցի շրջանակում անդրադարձել է տարածաշրջանում ստեղծված իրավիճակին։
Այս մասին տեղեկացնում են ԱՀ արտաքին գործերի նախարարությունից:
Վլադիմիրի շրջանում, Մոսկվա, Պյատիգորսկ և Սոչի քաղաքներում արտգործնախարարը հանդիպումներ է ունեցել ՌԴ քաղաքական, հասարակական, գիտակրթական շրջանակների, Ռուսաստանի հայ համայնքի, նրա արցախյան հատվածի և Հայ Առաքելական Եկեղեցու ներկայացուցիչների հետ։
Քննարկվել են տարածաշրջանում ստեղծված իրավիճակին, հնարավոր զարգացումներին, ադրբեջանա-ղարաբաղյան հակամարտության կարգավորման հեռանկարներին, Արցախ-սփյուռք կապերի հետագա խորացմանը, Արցախի զարգացման գործընթացին Ռուսաստանի հայ համայնքի ներգրավմանն առնչվող հարցեր։
ՀԱՅԵՐԵՆ
Русский
English
Դաս. հայերեն
French
