Տեղի կունենա Պուտին-Փաշինյան-Ալիև եռակողմ հանդիպում
23-10-2021 12:44:48 | Հայաստան | Ի՞նչ է գրում մամուլը
24 News. Պուտինի, Ալիևի և Փաշինյանի հանդիպումը կարող է տեղի ունենալ Մոսկվայում նոյեմբերի առաջին տասնօրյակում: Ինչպես հայտնում է «ՌԻԱ-Նովոստի»-ն, սպասվում է եռակողմ հայտարարությունների ստորագրում:
ՌԻԱ-Նովոստին տեղեկացնում է, որ եռակողմ հանդիպումը նախնական տեղեկություններով կանցկացվի նոյեմբերի 8-9-ին՝ Մոսկվայում: Սպասվում է ՀՀ և Ադրբեջանի միջև պետական սահմանի սահմանազատման ու սահմանագծման գործընթացին վերաբերող փաստաթղթի ստորագրում:
«Դա բարդ գործընթաց է, և կողմերը՝ ՌԴ միջնորդությամբ, իրենց համար կորոշեն այս խնդրի լուծմանը հասնելու «ճանապարհային քարտեզը»: Նաև ակնկալվում է ևս մեկ հայտարարության ընդունում, որը կվերաբերի տարածաշրջանային տրանսպորտային կոմունիկացիաների ապաշրջափակմանը. այս կետը հիշատակվում էր դեռ նախորդ նոյեմբերին երեք երկրների առաջնորդների կողմից ընդունված հայտարարության մեջ»,- հայտնում է կայքը:
ՀԱՅԵՐԵՆ
Русский
English
Դաս. հայերեն
French
